សម្តេច ស ខេង៖ អនុវត្តច្បាប់ចរាចរណ៍គ្មានការលើកលែង ទោះបីជាតំណាងរាស្ត្រ រដ្ឋមន្ត្រី ទាហាន ឬប៉ូលិស
- 2020-02-26 01:44:08
- ចំនួនមតិ 0 | ចំនួនចែករំលែក 0
សម្តេច ស ខេង៖ អនុវត្តច្បាប់ចរាចរណ៍គ្មានការលើកលែង ទោះបីជាតំណាងរាស្ត្រ រដ្ឋមន្ត្រី ទាហាន ឬប៉ូលិស
ចន្លោះមិនឃើញ
សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសង្កត់ធ្ងន់ថា ពាក់ព័ន្ធនឹងការអនុវត្តច្បាប់ចរាចរណ៍សមត្ថកិច្ចត្រូវអនុវត្តដោយគ្មានការលើកលែង កុំថាឡើយទោះជាតំណាងរាស្ត្រ រដ្ឋមន្ត្រី ទាហាន ឬនគរបាល ពាក់ផ្កាយប៉ុន្មានក៏ដោយ។ ការថ្លែងររបស់សម្ដេចក្រឡាហោម ស ខេង បានធ្វើឡើងនៅក្នុងពិធីសម្ពោធដាក់ឱ្យប្រើប្រាស់អគារសិក្សា ទីចាត់ការ អគាររដ្ឋបាលឃុំ និងសមិទ្ធផលនានា នៅស្រុកកំចាយមារ ខេត្តព្រៃវែង កាលពីថ្ងៃទី២៥ ខែកុម្ភៈ ឆ្នាំ២០២០។
សម្ដេចក្រឡាហោម ស ខេង បានបន្ថែមថា គឺត្រូវតែទទួលខុសត្រូវចំពោះមុខច្បាប់ ដោយគ្មានការយល់យោគទាំងអស់ ហើយសម្ដេចបានផ្ដាំជាមុនថា កម្លាំងនគរបាលអ្នកអនុវត្តច្បាប់ប្រសិនបើប្រឈមបញ្ហាអ្វី សម្ដេចសូមធានាការពារជូន។
ជាមួយគ្នានេះ សម្ដេចក្រឡាហោម ស ខេង ក៏បានទទូចសុំឲ្យប្រជាពលរដ្ឋដែលធ្វើដំណើរតាមដងផ្លូវត្រូវអនុវត្តច្បាប់ចរាចរណ៍ ព្រោះចាប់ពីពេលនេះតទៅ ការអប់រំត្រូវរុញទៅនៅខាងក្រោយហើយ ដោយការអនុវត្តច្បាប់គ្មានការលើកលែង ត្រូវបានយកមកដាក់នៅខាងមុខវិញ ហើយវិធានការថ្មីៗនឹងត្រូវដាក់ឱ្យអនុវត្តបន្ថែមទៀតដើម្បីបង្កើនការរឹតបន្តឹង និងកាត់បន្ថយគ្រោះថ្នាក់លើប្រជាពលរដ្ឋ៕