បច្ចុប្បន្ន កម្ពុជាមានផ្លូវថ្នល់ប្រើប្រាស់ហិរញ្ញប្បទានជំនួយឥតសំណងចិនប៉ុន្មានហើយ?

2020-02-26 07:10:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថាមកដល់បច្ចុប្បន្ន គម្រោងហេដ្ឋារចនាសម្ព័ន្ធផ្លូវថ្នល់ប្រើប្រាស់ហិរញ្ញប្បទាន និងជំនួយឥតសំណងរបស់មិត្តចិន បានសាងសង់រួចរាល់មានចំនួន ២៧ខ្សែ មានប្រវែងសរុប ២ ៧៧៩ គីឡូម៉ែត្រ។ ការលើកឡើងនេះ នៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ៥៨ តភ្ជាប់ពី ខេត្ត បន្ទាយមានជ័យទៅខេត្តឧត្តរមានជ័យ នៅថ្ងៃទី ២៦ កុម្ភៈ នេះ។

ផ្លូវជាតិលេខ៥៨ តភ្ជាប់ពី ជាហិរញ្ញប្បទាន និងជំនួយឥតសំណងរបស់ចិន ដែលទើបសម្ពោធដាក់ឱ្យប្រើប្រាស់នៅថ្ងៃទី ២៦ កុម្ភៈ នេះ

សម្ដេចបន្តថា ក្រៅពីគម្រោងហេដ្ឋារចនាសម្ព័ន្ធផ្លូវថ្នល់ដែលបានសាងសង់រួចនេះក៏នៅមានគម្រោងកំពុងសាងសង់ចំនួន ៥ខ្សែ មានប្រវែង ប្រមាណ ៤៩៧,២០ គីឡូម៉ែត្រ។ ចំណែកស្ពានធំៗ ដែលបានសាងសង់រួចមានចំនួន ៨ស្ពាន មានប្រវែងសរុប ៧ ៤៣៤ ម៉ែត្រ និងស្ពានកំពុងសាងសង់ ដូចជា ស្ពាមិត្តភាពកម្ពុជា-ចិន ក្នុងខេត្តកំពងចាម ស្ទឹងត្រង់-ក្រូចឆ្មារ និងស្ពានឆ្លងកាត់ទន្លេបាសាក់ (សិត្បូ) នៃគម្រោងខ្សែក្រវាត់ក្រុងទី៣ ជាដើម។

សម្តេចក៏បានមានប្រសាសន៍អំពីផ្លូវជាតិលេខ៥៨ ដែលទើបសម្ពោធដាក់ឲ្យប្រើនេះនេះថាដើរតួនាទីយ៉ាងសំខាន់ និងជាផ្លូវយុទ្ធសាស្រ្តមួយ សម្រាប់បម្រើឱ្យការអភិវឌ្ឍសេដ្ឋកិច្ចផង ការពារអធិបតេយ្យភាពជាតិផង និងជួយទ្រទ្រង់យ៉ាងរឹងមាំនូវកិច្ចសហប្រតិបត្តិការល្អរវាងប្រទេសកម្ពុជា និងប្រទេសថៃ ពីព្រោះផ្លូវនេះបានតភ្ជាប់ពីខេត្តបន្ទាយមានជ័យ ទៅនឹងខេត្តឧត្តរមានជ័យ ស្របតាមខ្សែបន្ទាត់ព្រំដែនកម្ពុជា-ថៃ ឆ្លងកាត់ទីក្រុងប៉ោយប៉ែត ដែលជាទីក្រុងដ៏មានសក្តានុពល និងជាច្រករបៀងសេដ្ឋកិច្ចភាគខាងត្បូងដ៏សំខាន់។ ផ្លូវជាតិនេះ អាចសម្រួលដល់ការផ្លាស់ប្តូរផលិតផល សកម្មភាពពាណិជ្ជកម្ម និងសុខាភិបាល រវាងប្រជាពលរដ្ឋថៃ និងកម្ពុជា ហើយក៏អាចសម្រួលដល់វិស័យទេសចរណ៍ពីប្រទេសថៃមកទស្សនាប្រាសាទអង្គរវត្តនៅខេត្តសៀមរាប ផងដែរ៕

អត្ថបទ៖ ម៉េងងី