WWF បញ្ចេញរូបភាពសត្វដែលថតតាមកាមេរ៉ាស្វ័យប្រវត្តិក្នុងដែនជម្រកសត្វព្រៃព្រែកប្រសព្វ
- 2020-03-02 08:37:02
- ចំនួនមតិ 0 | ចំនួនចែករំលែក 0
WWF បញ្ចេញរូបភាពសត្វដែលថតតាមកាមេរ៉ាស្វ័យប្រវត្តិក្នុងដែនជម្រកសត្វព្រៃព្រែកប្រសព្វ
ចន្លោះមិនឃើញ
ក្រុមការងារស្រាវជ្រាវ និងពង្រឹងការអនុវត្តច្បាប់ មកពីមន្ទីរបរិស្ថានខេត្តក្រចេះ ខណ្ឌរដ្ឋបាលព្រៃឈើ អង្គការ WWF និងសមាជិកក្រុមល្បាតសហគមន៍ កាលពីថ្ងៃទី២៥ ខែកុម្ភៈ ឆ្នាំ២០២០ បានទៅត្រួតពិនិត្យម៉ាស៊ីនថតស្វ័យប្រវត្តិ (camera trap) ដែលបានដំឡើងក្នុងដែនជម្រកសត្វព្រៃព្រែកប្រសព្វ និងបានបញ្ជាក់ពីភាពរស់រានមានជីវិតរបស់សត្វក្តាន់។
សត្វក្តាន់ ជាប្រភេទសត្វដែលត្រូវបានចាត់ថ្នាក់ជាប្រភេទសត្វទទួលរងគ្រោះថ្នាក់ជាសកល ក្នុងបញ្ជីប្រហម IUCN ហើយត្រូវបានគេសន្មត់ថាបានផុតពូជពីប្រទេសកម្ពុជា រហូតដល់ឆ្នាំ២០០៦ នៅពេលដែលសត្វក្តាន់ត្រូវបានគេរកឃើញឡើងវិញនៅក្នុងខេត្តក្រចេះ។
កត្តាគំរាមកំហែងចម្បងៗទៅលើការរស់រានរបស់សត្វក្តាន់រួមមាន៖ ការបរបាញ់ដើម្បីយកសាច់ ការបាត់បង់ទីជម្រក ដោយសារការកាប់ឈើធ្វើធ្យូង និងការរុករានដីព្រៃដើម្បីធ្វើកសិកម្ម៕
អត្ថបទ និងរូបថត៖ អង្គការ WWF-Cambodia