Ronaldo រកលុយបានពីបាល់ទាត់ មិនច្រើនដូចប្រភពចំណូលមួយនេះទេ!
- 2020-03-04 01:10:18
- ចំនួនមតិ 0 | ចំនួនចែករំលែក 0
Ronaldo រកលុយបានពីបាល់ទាត់ មិនច្រើនដូចប្រភពចំណូលមួយនេះទេ!
ចន្លោះមិនឃើញ
ក្រោយចាកចេញពីក្លឹប Real Madrid កីឡាករបាល់ទាត់ល្បី Cristiano Ronaldo បានបន្តដំណើរថ្មីរបស់ខ្លួនជាមួយនឹងក្រុមអ៊ីតាលី Juventus។ ប្រាក់ចំណូលបច្ចុប្បន្នរបស់ម្ចាស់ពាន Ballon d'Or ចំនួន៥លើករូបនេះ មានប្រមាណ ៣៤លានដុល្លារក្នុង១ឆ្នាំ។ យ៉ាងណាមិញ វាមិនមែនជាប្រភពចំណូលធំបំផុតរបស់ Ronaldo នោះឡើយ។ បើតាមពិតទៅ Ronaldo អាចរកចំណូលបានពីការប្រើប្រាស់បណ្ដាញសង្គមច្រើនជាងការចូលរួមប្រយុទ្ធនៅលើសមរភូមិវាលស្មៅ។
យោងតាមការចុះផ្សាយរបស់ Buzz Bingo បានឲ្យដឹងថា គណនី Instagram របស់ Ronaldo អាចរកចំណូលពីការជួយផ្សព្វផ្សាយពាណិជ្ជកម្មឲ្យក្រុមហ៊ុនធំៗបានប្រហែល ៤៧,៨លានដុល្លារក្នុង១ឆ្នាំៗ។ នេះគឺជាប្រាក់ចំណូលដែលបុគ្គលនៅលើ Instagram រកបានច្រើនជាងគេបំផុត។ បើនិយាយពីមិត្តរួមអាជីពរបស់ Ronaldo វិញគឺកីឡាករ Lionel Messi ឈរនៅចំណាត់ថ្នាក់ទី២ សម្រាប់ការរកចំណូលបានច្រើននៅលើ Instagram ក្នុងទំហំទឹកប្រាក់ ២៣,៣លានដុល្លារ។ ដោយឡែកលេខរៀងទី៣បានទៅលើតារាស្រីសញ្ជាតិអាមេរិក Kendall Jenner ជាមួយទឹកប្រាក់ ១៦លានដុល្លារ។
នៅលើបណ្ដាញសង្គមខាងលើ Ronaldo មានចំនួនអ្នក Follow ជាង ១៨៧លាននាក់ ដែលជាហេតុទាក់ទាញបណ្ដាក្រុមហ៊ុននានាឲ្យមករកកីឡាករវ័យ៣៥ឆ្នាំរូបនេះជួយផ្សព្វផ្សាយពាណិជ្ជកម្មឲ្យ។ ការបង្ហោះសារមួយលើកៗលើគណនី Ronaldo មានតម្លៃជាមធ្យម ៩៧ម៉ឺនដុល្លារ ឯការបង្ហោះសាររបស់ Messi មានតម្លៃប្រមាណ ៦៤ម៉ឺនដុល្លារ និង Kendall Jenner គឺ ៦១ម៉ឺនដុល្លារ៕