ហួសចិត្តពេលដឹងមូលហេតុដែលគម្របប៊ិចតែងមានប្រហោងដូច្នេះ!
- 2020-03-13 07:19:31
- ចំនួនមតិ 0 | ចំនួនចែករំលែក 0
ហួសចិត្តពេលដឹងមូលហេតុដែលគម្របប៊ិចតែងមានប្រហោងដូច្នេះ!
ចន្លោះមិនឃើញ
ហេតុអ្វីបានជានៅលើគម្របប៊ិចត្រូវគេដាក់ឲ្យមានប្រហោងមួយនៅចំពីលើ? នេះជាចម្ងល់ដែលមនុស្សមួយចំនួនធ្លាប់គិត ហើយមិនទាន់អាចរកចម្លើយសមស្របមួយបាននោះទេ។ បើតាមការបកស្រាយតៗគ្នា គម្របប៊ិចដាក់ឲ្យប្រហោងដូច្នេះគឺដើម្បីធ្វើឲ្យទឹកប៊ិចឆាប់ស្ងួតលឿន មិនប្រតាកទឹកចេញក្រៅ។ ខ្លះទៀតថា វាសម្រាប់បង្កើតជាសម្ពាធខ្យល់ឲ្យងាយស្រួលដោះឬដាក់គម្របប៊ិច ក្រោយប្រើប្រាស់រួច។
ចម្លើយទាំងនោះមិនប្រាកដថាខុសនោះទេ។ ប៉ុន្តែចម្លើយបែបបច្ចេកទេសពិតប្រាកដនៃគោលបំណងបន្សល់ប្រហោងនៅលើគម្របប៊ិច គឺការពារកុំឲ្យថប់ដង្ហើមនៅពេលច្រឡំលេបគម្របប៊ិចចូលមាត់។ គំនិតនេះផ្ដើមចេញពីក្រុមហ៊ុនប៊ិច Bic Cristal។ ពួកគេយល់ឃើញថា គម្របប៊ិចគឺជាវត្ថុដែលក្មេងៗឧស្សាហ៍បៀម ហើយច្រឡំលេបចូលបំពង់ក ដែលបណ្ដាលឲ្យថប់ខ្យល់ស្លាប់។ ហេតុដូចនេះហើយប្រហោងនៃគម្របប៊ិចនឹងជួយធ្វើជាបំពង់ខ្យល់ចេញចូល នៅពេលនរណាម្នាក់ច្រឡំលេបវាចូល៕