គ្រូបាល់ទាត់អេស្ប៉ាញម្នាក់ បានស្លាប់ដោយ COVID-19 នៅវ័យក្មេងដំបូងបំផុត

2020-03-17 02:41:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Francisco Garcia សញ្ជាតិអេស្ប៉ាញដែលកាន់តួនាទីជាគ្រូបង្គោលបាល់ទាត់យុវជនក្លឹប Malaga ឈ្មោះ Atletico Portada Alta នៅទីក្រុង Malaga អេស្ប៉ាញបានស្លាប់ទៅហើយ កាលពីថ្ងៃអាទិត្យកន្លងទៅថ្មីៗនេះ។

រូបថតក្លឹប៖

យោងតាមប្រភពព័ត៌មានពីអេស្ប៉ាញ បានឲ្យដឹងថា គ្រូបាល់ទាត់វ័យ ២១ ឆ្នាំរូបនេះ ក្រោយបញ្ជូនដល់មន្ទីរពេទ្យ ក្រុមគ្រូពេទ្យ ក៏បានបញ្ជាក់ថា គេមានជំងឺមហារីកគ្រាប់ឈាម និងចេញរោគសញ្ញាវិជ្ជមានផ្ទុកវីរុស COVID-19 ផងដែរ។ ប្រសិនបើគេគ្មានជំងឺមហារីកគ្រាប់ឈាមក្នុងខ្លួននោះទេ Garcia មានសង្ឃឹមអាចរស់រានបាន។ គ្រូពេទ្យបានបានបន្ថែម៖

Garcia ត្រូវបានគេជឿជាក់ថា ជាជនរងគ្រោះវ័យក្មេងជាងគេនៅអឺរ៉ុប។ ហើយក៏ជាជនទី ៥ នៅក្នុងទីក្រុង Malaga ដែលបានស្លាប់ដោយសារវីរុសសាហាវមួយនេះ។ អេស្ប៉ាញបានប្រកាសកាលពីសប្ដាហ៍មុនត្រូវប្រឹងប្រែងបញ្ឈប់ការរាលដាលជំងឺនេះ។

ជម្រាបជូនផងដែរថា អេស្ប៉ាញ ជាប្រទេសទីពីរក្នុងតំបន់អឺរ៉ុបបន្ទាប់ពី អ៊ីតាលី ដែលមានអត្រាអ្នកឆ្លងវីរុសកូរ៉ូណាខ្ពស់បំផុត។ គិតត្រឹមថ្ងៃទី ១៧ ខែមីនាឆ្នាំ ២០២០ អត្រាអ្នកឆ្លងចំនួន ៩៩៤២ ករណី ស្លាប់ ៣៤២ នាក់និងព្យាបាលជាសះស្បើយបាន ៥៣០ នាក់៕

ប្រភព៖ Goal ប្រែសម្រួល៖ រក្សា