២ថ្ងៃហើយដែលចិនអត់មានអ្នកឆ្លងជំងឺកូវីដ១៩ តៗគ្នាក្នុងប្រទេស
- 2020-03-20 03:04:25
- ចំនួនមតិ 0 | ចំនួនចែករំលែក 0
២ថ្ងៃហើយដែលចិនអត់មានអ្នកឆ្លងជំងឺកូវីដ១៩ តៗគ្នាក្នុងប្រទេស
ចន្លោះមិនឃើញ
២ថ្ងៃមកនេះ (១៨ និង ១៩មីនា) ចិនអត់មានករណីឆ្លងជំងឺកូវីដ១៩ តៗគ្នាក្នុងប្រទេសឡើយ ពោលគឺករណីឆ្លងថ្មីដែលរកឃើញ សុទ្ធតែនាំចូលមកពីបរទេសទាំងអស់។ នេះបើតាមការប្រកាសរបស់អាជ្ញាធរសុខាភិបាលចិន នៅថ្ងៃទី២០មីនានេះ។
កាលពីម្សិលមិញ ចិនរកឃើញករណីឆ្លងកូវីដ១៩ ចំនួន ៣៩នាក់ ដែលសុទ្ធតែជាករណីនាំចូលទាំងអស់។ ក្នុងនោះ ១៤នាក់ រកឃើញនៅខេត្តក្វាងទុង, ៨នាក់នៅសៀងហៃ និង ៦នាក់នៅប៉េកាំង។ លើសពីនេះ ក្រុងវូហានដែលជាចំណុចផ្ទុះជំងឺ ក៏មិនមានករណីឆ្លងថ្មី ២ថ្ងៃជាប់ៗគ្នាដែរ។
ចំនួននេះ ធ្វើឱ្យចិនមានករណីឆ្លងដល់ ៨០៩៦៧នាក់ ចាប់តាំងពីការផ្ទុះវីរុសនេះមក ខណៈអ្នកស្លាប់មានចំនួន ៣២៤៨នាក់ និងអ្នកជាសះស្បើយ ៧១១៥០នាក់ គិតត្រឹមម្សិលមិញ៕