ក្រសួង ប្រកាសប្រកួតប្រជែងបង្កើត App សម្រាប់ផ្តល់ព័ត៌មានពីជំងឺកូវីដ១៩

2020-03-23 04:26:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងអប់រំ យុវជន និងកីឡា បានចេញសេចក្ដីប្រកាសប្រកួតប្រជែងពីការបង្កើត App សម្រាប់ផ្តល់ព័ត៌មាន និងឆ្លើយតបក្នុងការគ្រប់គ្រង ការទប់ស្កាត់ នៃការរីករាលដាល Covid-19 ក្នុងទូរសព្ទដៃដើម្បីឲ្យប្រជាពលរដ្ឋនៅទូទាំងប្រទេសកម្ពុជាអាចប្រើប្រាស់ ទទួល និងផ្ដល់ព័ត៌មាន ទាក់ទងនិងជំងឺកូវីដ១៩។

គោលដៅចម្បងនៃការប្រកួតប្រជែងនេះ គឺការបង្កើត Khmer Education Covid 19 App ដែលអាចតម្លើងលើទូរសព្ទដៃ និងអាចប្រើប្រាស់បានទាំងប្រព័ន្ធប្រតិបត្តិការ IOS និង Android។ សិស្សានុសិស្ស និសិត្យ និងសាធារណជន ដែលមានចំណាប់អារម្មណ៍ក្នុងការបង្កើត App ខាងលើ ត្រូវសរសេរឯកសារទស្សនាទានមួយ ដែលបង្កើតពីក្របខណ្ឌ និងគោលគំនិតនៃការបង្កើត Khmer Education Covid 19 App។

អ្នកទទួលបានជ័យលាភី នឹងជ្រើសរើសផ្ដល់រង្វាន់ជូនដល់ស្នាដៃឯកសារទស្សនាទានល្អចំនួន ១០ ព្រមទាំងផ្ដល់រង្វាន់ជ័យលាភីជូនដល់ឯកសារទស្សនាទានល្អជាងគេដើម្បីបង្កើតជា «Khmer Education Covid 19 App» ផ្លូវការ៕

សេចក្ដីប្រកាសខាងក្រោម៖