សម្តេច ស ខេង លើកឡើងពីមូលហេតុដ៏ធំបំផុតមួយដែលចិនជោគជ័យរឿងទប់ស្កាត់កូរ៉ូណា
- 2020-03-24 03:21:40
- ចំនួនមតិ 0 | ចំនួនចែករំលែក 0
សម្តេច ស ខេង លើកឡើងពីមូលហេតុដ៏ធំបំផុតមួយដែលចិនជោគជ័យរឿងទប់ស្កាត់កូរ៉ូណា
ចន្លោះមិនឃើញ
សម្តេច ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានលើកឡើងថា មូលហេតុចម្បងដែលចិនទទួលបានជោគជ័យក្នុងការទប់ស្កាត់ជំងឺកូវីដ១៩ គឺដោយសារតែការបង្ខាំងមនុស្សឱ្យនៅក្នុងផ្ទះ។ ការថ្លែងនេះ ធ្វើឡើងនៅក្នុងពិធីជួបសំណេះសំណាលជាមួយមន្ត្រីនគរបាលអន្តោប្រវេសន៍ នៅអាកាសយានដ្ឋានអន្តរជាតិភ្នំពេញ នាព្រឹកថ្ងៃទី២៤ ខែមីនា ឆ្នាំ២០២០។
សម្តេចក្រឡាហោម ថ្លែងយ៉ាងដូច្នេះថា៖ «មកដល់ពេលនេះ យើងអាចនិយាយបានថា សាធារណរដ្ឋប្រជាមានិតចិន បទពិសោធន៍ជោគជ័យនៃការទប់ស្កាត់ការរីករាលដាលនៃជំងឺនេះ នោះគឺការបង្ខាំងមនុស្សនៅក្នុងផ្ទះ។ មិនមែនជោគជ័យដោយសារថ្នាំទេ មានដែរមិនអត់ទេ គេប្រើថ្នាំនេះ ថ្នាំនោះ អ៊ីចឹងទៅគួបផ្សំ ប៉ុន្តែមូលហេតុធំបំផុតគឺការបង្ខាំងមនុស្សនៅហ្នឹងផ្ទះ មិនឱ្យដើរចេញក្រៅផ្ទះ មិនឱ្យប៉ះពាល់ជាមួយអ្នកដទៃដែលសង្ស័យថាមានជំងឺហ្នឹង។ ឥឡូវវិធានការនេះ ត្រូវបានអនុវត្តជាសកល»៕