សល់២ឆ្នាំទៀត! ផ្លូវជាតិលេខ៣ ដែលពង្រីកដល់ ៤គន្លង នឹងសង់រួចរាល់ហើយ
- 2020-04-01 01:43:08
- ចំនួនមតិ 0 | ចំនួនចែករំលែក 0
សល់២ឆ្នាំទៀត! ផ្លូវជាតិលេខ៣ ដែលពង្រីកដល់ ៤គន្លង នឹងសង់រួចរាល់ហើយ
ចន្លោះមិនឃើញ
បន្ទាប់ពីបើកការដ្ឋានសាងសង់កាលពីខែឧសភា ឆ្នាំ២០១៨ ឥឡូវនេះ ការសាងសង់ពង្រីកផ្លូវជាតិលេខ៣ បានសម្រេច ៦៧ភាគរយហើយ ដោយតាមផែនការគ្រោងទុក នឹងបញ្ចប់នៅក្នុងឆ្នាំ២០២២។ នេះបើតាមការប្រកាសរបស់ក្រសួងសាធារណការ និងដឹកជញ្ជូន កាលពីថ្ងៃទី៣១ ខែមីនា ឆ្នាំ២០២០។
គម្រោងពង្រីក និងលើកកម្រិតកំណាត់ផ្លូវជាតិលេខ៣ គឺចាប់ពីរាជធានីភ្នំពេញ (ចោមចៅ) ដល់ក្រុងកំពត ដោយឆ្លងកាត់រាជធានីភ្នំពេញ ប្រវែង ១២គីឡូម៉ែត្រ ខេត្តកណ្តាល ប្រវែង ១១គីឡូម៉ែត្រ ខេត្តកំពង់ស្ពឺ ប្រវែង ៣០គីឡូម៉ែត្រ ខេត្តតាកែវ ប្រវែង ៣០គីឡូម៉ែត្រ និងខេត្តកំពត ប្រវែង ៥១គីឡូម៉ែត្រ។
ការពង្រីកផ្លូវនេះគឺត្រូវបានបែងចែកជា ២កំណាត់ គឺពីចោមចៅ-បែកគូស និងបែកគូស-ក្រុងកំពត។ ផ្លូវពីចោមចៅ ទៅបែកគូស ក្នុងខេត្តតាកែវ ប្រវែង ៦៤,៩០គីឡូម៉ែត្រ នឹងត្រូវពង្រីក ២គន្លងទៅ ៤គន្លង (២ទៅ ២មក) និងមានសួនកណ្តាល។ ចំណែកកំណាត់ផ្លូវពីបែកគូស ទៅក្រុងកំពត ប្រវែងជាង ៦៤គីឡូម៉ែត្រ នឹងត្រូវពង្រីកតួផ្លូវដល់ ១២ម៉ែត្រ ដោយមាន ២គន្លងផ្លូវដដែល (១ទៅ ១មក)៕