តម្លៃរថយន្តទំនើបបំផុតរបស់ Floyd ទិញបានតែធុងងូតទឹក Mike Tyson ចំនួន២ប៉ុណ្ណោះ!

2020-04-02 00:10:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គិតត្រឹមឆ្នាំ២០២០ កីឡាករប្រដាល់ Floyd Mayweather មានទ្រព្យសម្បត្តិច្រើនជាង ៥០០លានដុល្លារឯណោះ។ Floyd អាចចាត់ទុកថាជាមនុស្សសម្ភារៈនិយមមួយរូបហ្នឹងគេដែរ ព្រោះលោកចូលចិត្តប្រើប្រាស់របស់របរថ្លៃៗ បូករួមទាំងរថយន្តទំនើបជាច្រើនគ្រឿងផងដែរ។ ចំនួនរថយន្តប្រណីតៗរបស់កីឡាករប្រដាល់វ័យ៤៣ឆ្នាំរូបនេះ មានប្រមាណជា ១០០គ្រឿង តម្លៃសរុបមិនតិចជាង ១០លានដុល្លារនោះទេ។ រថយន្តថ្លៃបំផុតរបស់ Floyd គឺ Koenigsegg CCXR Trevita តម្លៃ ៤,៨លានដុល្លារ។

យ៉ាងណាមិញ បើក្រឡេកមកមើលរបស់របរដែលកីឡាករប្រដាល់ Mike Tyson ធ្លាប់ប្រើប្រាស់ ក៏មិនអន់ណាស់ដែរ។ Mike Tyson មិនសម្បូររថយន្តទំនើបនោះទេ ប៉ុន្តែសម្ភារៈផ្សេងៗទៀតគឺមានតម្លៃថ្លៃមិនធម្មតានោះទេ។ តួយ៉ាងដូចជា ធុងងូតទឹករបស់លោកមានតម្លៃដល់ទៅ ២,២លានដុល្លារឯណោះ ដែលនេះស្ទើរតែស្មើនឹងពាក់កណ្ដាលតម្លៃរថយន្តទំនើបបំផុតរបស់ Floyd ទៅហើយ។ ធុងងូតទឹកធ្វើពីមាសសុទ្ធ២៤ការ៉ាត់នេះ ត្រូវបានកីឡាករ Mike Tyson ទិញឲ្យអតីតភរិយាទុកជាកាដូថ្ងៃបុណ្យណូអែល។

សូមបញ្ជាក់ថា បច្ចុប្បន្ន Mike Tyson មិនសម្បូរទ្រព្យសម្បត្តិច្រើនលើសលប់ដូចកាលពីមុនឡើយ ក្រោយការប្រកាសក្ស័យធននឹកស្មានមិនដល់នៅក្នុងឆ្នាំ២០០៣។ Mike Tyson ធ្លាប់មានប្រាក់ចាយនៅក្នុងដៃរហូតដល់ ៤០០លានដុល្លារ តែឥឡូវសល់ត្រឹម ៣លានដុល្លារប៉ុណ្ណោះ គិតត្រឹមឆ្នាំ២០២០៕

ប្រភព៖ Huffingtonpost | The Things | Hot Cars ប្រែសម្រួល៖ ឈាង.