ប្រទះឃើញសត្វរំពេរទន្លេមួយហ្វូងជិត ២០ក្បាល តាមដងទន្លេមេគង្គក្នុងខេត្តស្ទឹងត្រែង

2020-04-08 08:06:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមការងារជំរឿនបក្សីទន្លេមេគង្គនៃអង្គការ WWF-កម្ពុជា និងរដ្ឋបាលព្រៃឈើក្នុងតំបន់ទេសភាពព្រៃលិចទឹកមេគង្គ (MFF) បានប្រទះឃើញសត្វរំពេរទន្លេមួយហ្វូងដែលមានចំនួនប្រហែលជា ១៩ ក្បាល នៅតាមដងទន្លេមេគង្គក្នុងខេត្តស្ទឹងត្រែង កាលពីសប្តាហ៍មុន។ នេះបើយោងតាម WWF-កម្ពុជា បានឲ្យដឹងនៅថ្ងៃទី ៨ មេសា នេះ។

WWF-កម្ពុជា បានបន្តថា ចំនួនសត្វរំពេរទន្លេដែលត្រូវបានក្រុមការងារប្រទះឃើញនេះ នឹងត្រូវកត់ត្រាទុកសម្រាប់របាយការណ៍ប្រចាំឆ្នាំនៃចំនួនសត្វរំពេរទន្លេក្នុងតំបន់ទន្លេមេគង្គក្នុងប្រទេសកម្ពុជា។ សត្វរំពេរទន្លេជាសត្វដែលត្រូវបានចាត់ថ្នាក់កំពុងទទួលរងគ្រោះជិតផុតពូជក្នុងបញ្ជីក្រហម IUCN រស់នៅនិងពងកូននៅលើខ្សាច់តាមដងទន្លេមេគង្គក្នុងតំបន់ទេសភាពព្រៃលិចទឹកមេគង្គក្នុងខេត្តក្រចេះ និងខេត្តស្ទឹងត្រែង។

មន្ទីរបរិស្ថាន មន្ទីរកសិកម្ម រុក្ខាប្រមាញ់ និងនេសាទ មន្ទីរទេសចរណ៍ រដ្ឋបាលព្រៃឈើ ក្នុងខេត្តក្រចេះ និងខេត្តស្ទឹងត្រែង អង្គការ WWF-កម្ពុជា អាជ្ញាធរមូលដ្ឋាន សហគមន៍មូលដ្ឋាន និងដៃគូអភិរក្សនានា រួមគ្នាធ្វើការងារអភិរក្សសត្វរំពេរទន្លេ និងប្រភេទបក្សីកម្រជាច្រើនទៀតដូចជាត្រយងយក្ស ត្រយងចង្កំកស ត្រដក់តូច ត្រដក់ធំ និងសត្វត្មាតនៅតាមជម្រកធម្មជាតិរបស់ពួគវា៕