មន្ត្រីជំនាញ ឃាត់ទុកពោះវៀនជ្រូកខូចគុណភាព ៥តោន នៅខេត្តកណ្ដាល
- 2020-04-09 01:37:00
- ចំនួនមតិ 0 | ចំនួនចែករំលែក 0
មន្ត្រីជំនាញ ឃាត់ទុកពោះវៀនជ្រូកខូចគុណភាព ៥តោន នៅខេត្តកណ្ដាល
ចន្លោះមិនឃើញ
យោងតាមមន្រ្តីសាខា ក.ប.ប. ខេត្តកណ្តាល បានឲ្យដឹងនៅថ្ងៃទី ៩ មេសា ថាបានរកឃើញ និងឃាត់ទុក ជាបណ្តោះអាសន្ន នូវផលិតផលពោះវៀនជ្រូក មានទម្ងន់ ៥តោន ដែលផ្ទុកក្នុងកុងទឺណ័រចំនួន ២ និងបានពិនិត្យឃើញថាពុំមានឯកសារបញ្ជាក់ និងមានសភាពស្អុយ មានចម្លងមេរោគ ដោយសារការវេចខ្ចប់ និងទុកដាក់ពុំត្រឹមត្រូវតាមគោលការបច្ចេកទេស។ ចុះត្រួតពិនិត្យនេះ ធ្វើឡើងកាលពីថ្ងៃទី ៨ មេសា ២០២០។
ក្រោយការត្រួតពិនិត្យ សមត្ថកិច្ចចម្រុះបានរកឃើញថាទំនិញទាំងនេះបានខូចគុណភាពពុំអាចយកមកប្រេីប្រាស់ជាម្ហូបអាហារសម្រាប់បរិភោគបាន សមត្ថកិច្ចចម្រុះបានសម្រេចឃាត់ទុកទំនិញទាំងនេះ ជាបណ្តោះអាសន្ននៅឃ្លាំងខាងលើ ដើម្បីបំពេញបែបបទយកទៅកំទេចចោលតាមនីតិវិធី។ ចំណែកម្ចាស់ទំនិញត្រូវបាននាំខ្លួនទៅសាកសួរបន្តនៅស្នងការដ្ឋាននគរបាលខេត្តកណ្តាល៕