ឡាវ និងថៃ ចុះកិច្ចព្រមព្រៀងពាណិជ្ជកម្មដល់ ១០ពាន់លានដុល្លារ

2017-05-25 04:29:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឡាវ និងថៃ បានចុះកិច្ចព្រមព្រៀងផែនការមេ រយៈពេល៥ឆ្នាំ ដើម្បីបង្កើនតម្លៃពាណិជ្ជកម្ម និងការវិនិយោគដល់ ១០ពាន់លានដុល្លារ ត្រឹមឆ្នាំ២០២១។ នេះបើតាមការប្រកាសលោកឧបនាយករដ្ឋមន្រ្តីថៃ Somkid Jatusripitak កាលពីថ្ងៃទី២៤ឧសភា បន្ទាប់ពីកិច្ចប្រជុំជាមួយរដ្ឋមន្រ្តីហិរញ្ញវត្ថុឡាវ លោក Somdee Duangdee នៅក្រុងវៀងចន្ទន៍។

កិច្ចប្រជុុំរវាងភាគីឡាវ និងថៃ នៅក្រុងវៀងចន្ទន៍ ថ្ងៃទី២៤ឧសភា ២០១៧

លោកបញ្ជាក់ថា ប្រទេសទាំង២ នឹងសហការគ្នាក្នុងការអភិវឌ្ឍទាំងពាណិជ្ជកម្ម និងការវិនិយោគ ដោយផ្តោតលើ ឡូជីស្ទីក ថាមពល ទេសចរណ៍ ពាណិជ្ជកម្មព្រំដែន ឧស្សាហកម្ម និងមូលធនទីផ្សារ ព្រមទាំងការអភិវឌ្ឍសហគ្រាសធុនតូច និងធម្យម។ នេះគឺសមស្របជាមួយគោលនយោបាយរបស់រដ្ឋាភិបាលថៃ ក្នុងការសហការជាមួយអនុតំបន់ CLMVT (កម្ពុជា ឡាវ មីយ៉ាន់ម៉ា វៀតណាម និងថៃ) ដើម្បីកំណើនសេដ្ឋកិច្ចរបស់ប្រទេស។

លោក Somdee លើកឡើងថា ឡាវបានអភិវឌ្ឍប្រព័ន្ធហេដ្ឋារចនាសម្ព័ន្ធដោយតភ្ជាប់ចិន និងវៀតណាម ជាមួយថៃ តាមរយៈឡាវ ចំណែកឡាវ ប្រើប្រាស់ថៃ ជាទ្វារមួយសម្រាប់នាំចេញទំនិញទៅកាន់ប្រទេសទី៣។ ឡាវ ត្រូវការថៃ ដើម្បីអភិវឌ្ឍន៍ធនធានមនុស្ស និងសហគ្រាសធុនតូច-ធម្យម ផងដែរ៕

ប្រភព៖ The Nation ប្រែសម្រួល៖ សំភី