ក្រុមហ៊ុនមួយ ទទួលជោគជ័យក្នុងការបាញ់គ្រាប់រ៉ុកកែត តែមិនដល់គោលដៅ

2017-05-25 08:30:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នារសៀលថ្ងៃព្រហស្បតិ៍នេះ ក្រុមហ៊ុន Rocket Lab បានធ្វើការបាញ់បង្ហោះគ្រាប់រ៉ុកកែត ឈ្មោះ Electron របស់ខ្លួន ចេញពីទីតាំងបាញ់ Mahia peninsula នៅកោះភាគខាងត្បូងប្រទេសនូវែលហ្សេឡង់។ នេះគឺជាការធ្វើតេស្តដែលនឹងកើតមានជាបន្តបន្ទាប់។

គ្រាប់រ៉ុកកែតដែលមានប្រវែង ១៧ម៉ែត្រ ត្រូវបានបាញ់ចេញនៅម៉ោង៤:២០នាទីរសៀល (ម៉ោងក្នុងស្រុក)។ វាជាគ្រាប់រ៉ុកកែតទីមួយដែលបាញ់ចេញពីទីតាំងឯកជនក្នុងពិភពលោក។ Electron មិនបានហោះឡើងទៅដល់គន្លងផែនដីនោះទេ។ ការណ៍នេះ បានធ្វើឲ្យ Rocket Lab កំពុងមានចម្ងល់និងស្វែងរកពីមូលហេតុ។

គ្រាប់រ៉ុកកែត Electron ត្រូវបានបាញ់បង្ហោះនារសៀលថ្ងៃទី២៥ឧសភានេះ

ក្រុមហ៊ុនដែលមានទីតាំងនៅរដ្ឋ Carlifornia ដដែល គឺជាក្រុមហ៊ុនចុងក្រោយគេដែលបានឈានជើងចូលក្នុងវិស័យការហោះហើរនៅទីអវកាសលក្ខណៈឯកជន។ ក្រុមហ៊ុននេះ កំពុងសម្លឹងមើលលើការកាត់បន្ថយតម្លៃនៃការបាញ់បង្ហោះផ្កាយរណបសម្រាប់ក្រុមហ៊ុននានានៅជុំវិញពិភពលោក។

ការបាញ់បង្ហោះនៅរសៀលនេះ គឺជាគ្រាប់រ៉ុកកែតសាកល្បងដំបូងនៃគ្រាប់រ៉ុកកែត ៣គ្រាប់ដែល Rocket Lab គ្រោងបាញ់នៅឆ្នាំនេះ ហើយក្រុមហ៊ុនដដែលរំពឹងថា នឹងអាចបាញ់ច្រើនជាង ៥០គ្រាប់ក្នុងមួយឆ្នាំ៕

ប្រភព៖ Mashable ប្រែសម្រួល៖ លាភ.