Arsenal ធ្លាប់ធ្វើឲ្យ Chelsea ខកចិត្ត កាលផ្តាច់ព្រ័ត្រ FA Cup ឆ្នាំ២០០២

2017-05-27 06:58:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមកាំភ្លើងធំ Arsenal នឹងប្រកួតទល់នឹងក្រុមតោខៀវ Chelsea ដើម្បីដណ្ដើមពានរង្វាន់ FA Cup ឆ្នាំ២០១៧ នាម៉ោង១១:៣០នាទី យប់នេះ នៅកីឡដ្ឋានជាតិអង់គ្លេស Wembley។

បើក្រលេកមើលប្រវត្តិជួបគ្នាកាលពីវគ្គផ្តាច់ព្រ័ត្រ ពាន FA Cup ក្នុងឆ្នាំ២០០២ នៅទីក្រុង Cardiff ក្រុមកាំភ្លើងធំ Arsenal ធ្លាប់យកឈ្នះ Chelsea ក្នុងលទ្ធផល ២-០។ ពេលនោះ Arsenal ដឹកនាំដោយលោក Arsene Wenger រកគ្រាប់បាល់បានក្នុងតង់ទី២ ដោយ Ray Parlour និង Freddie Ljungberg ដោយប្រើប្រាស់ប្រព័ន្ធលេង ៤-៤-២ ដូចប្រព័ន្ធលេងរបស់ក្រុមតោខៀវ Chelsea ដែរ។

នៅឆ្នាំជាមួយគ្នានោះ Arsenal ជាក្រុមដែលឈ្នះពាន FA Cup និងជាជើងឯកលីគកំពូលផងដែរ។ យ៉ាងណាមិញ ការប្រកួតយប់នេះ គឺផ្ទុយពីការជួបគ្នាក្នុងឆ្នាំ២០០២ ដោយជើងឯកលីគកំពូលថ្មីៗនេះ គឺជាក្រុម Chelsea ខណៈ Arsenal ឈរលេខ៥ ក្នុងតារាង បន្ទាប់ពីការប្រកួតបានបញ្ចប់ពេញមួយរដូវកាល។

តើប្រិយមិត្តយល់ថា យប់នេះ Arsenal ឬ Chelsea ដែលនឹងក្លាយជាម្ចាស់ពាន FA Cup ?

ប្រភព៖ Dailymail ប្រែសម្រួល៖ លាភ.