លោកស្រី Merkel និយាយថា អឺរ៉ុបមិនអាចពឹងពាក់ទាំងស្រុងលើអាមេរិក និងអង់គ្លេសទៀតទេ

2017-05-29 00:48:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អធិការបតីអាល្លឺម៉ង់ លោកស្រី Angela Merkel កាលពីថ្ងៃទី២៨ ឧសភា ម្សិលមិញ បានជំរុញឲ្យប្រទេសសហភាពអឺរ៉ុប ត្រូវតែរួបរួមគ្នាប្រឈមនឹងការសម្រេចរបស់អាមេរិក និងចក្រភពអង់គ្លេស ដែលចាកចេញពីប្លុកមួយនេះ និងពាក់ព័ន្ធបញ្ហាមួយចំនួនទៀត។

លោកស្រី Angela Merkel ជួបពិភាក្សាជាមួយ លោក ដូណាល់ ត្រាំ

ថ្លែងក្នុងយុទ្ធនាការបោះឆ្នោត ជាមួយប្រជាជនអាល្លឺម៉ង់ប្រមាណ ២ ៥០០នាក់ លោកស្រី Merkel បានបញ្ជាក់ថា កិច្ចប្រជុំមេដឹកនាំ G7 រយៈពេល ២ថ្ងៃ នៅប្រទេសអ៊ីតាលី គឺពុំអាចឈានទៅដល់កិច្ចព្រមព្រៀងរួម ស្ដីពីបញ្ហាបម្រែបម្រួលអាកាសធាតុបានទេ ក្រោយប្រធានាធិបតីអាមេរិក ដូណាល់ ត្រាំ បានលើកឡើងថា គាត់ត្រូវការពេលវេលាបន្ថែមទៀត ដើម្បីសម្រេចលើបញ្ហានេះ។

លោកស្រី Merkel បន្ថែមថា "យើងជាប្រជាជនសហភាពអឺរ៉ុបត្រូវតែយកគោលដៅរបស់យើង ដាក់ក្នុងដៃរបស់យើងដោយផ្ទាល់"។ ក្នុងនោះ លោកស្រីបញ្ជាក់ថា អាល្លឺម៉ង់ត្រូវការការបន្តទំនាក់ទំនងយ៉ាងជិតស្និទ្ធជាមួយអាមេរិក និងចក្រភពអង់គ្លេស ប៉ុន្តែអាល្លឺម៉ង់ក៏ត្រូវការទំនាក់ទំនងក្នុងនាមជាអ្នកជិតខាងល្អ ជាមួយប្រទេសរុស្ស៊ី និងប្រទេសមួយចំនួនទៀតផងដែរ៕

ប្រភព៖ Aljazeera ប្រែសម្រួល៖ វាសនា