អាមេរិក អាចនឹងដាក់បម្រាម មិនឲ្យយក Laptop ទៅលើយន្តហោះចេញ-ចូលទឹកដីអាមេរិក
- 2017-05-29 01:26:44
- ចំនួនមតិ 0 | ចំនួនចែករំលែក 0
អាមេរិក អាចនឹងដាក់បម្រាម មិនឲ្យយក Laptop ទៅលើយន្តហោះចេញ-ចូលទឹកដីអាមេរិក
ចន្លោះមិនឃើញ
រដ្ឋមន្ត្រីសន្តិសុខជាតិអាមេរិក លោក John Kelly បានលើកឡើងកាលពីថ្ងៃទី២៨ ឧសភា ម្សិលមិញថា អាមេរិកអាចដាក់បម្រាម មិនឲ្យអនុញ្ញាតឲ្យយក Laptop ទៅក្នុងកាប៊ីនយន្តហោះទាំងអស់ ដែលចេញ-ចូលទឹកដីអាមេរិក។ លោកបញ្ជាក់ថា នេះគឺជាកិច្ចខិតខំប្រឹងប្រែង ដើម្បីការពារប្រឆាំងនឹងការគំរាមកំហែងសន្តិសុខជាតិអាមេរិក។
លោក John Kelly បានបន្ថែមថា សហរដ្ឋអាមេរិកគ្រោងនឹងលើកកម្ពស់លើការការពារសន្ដិសុខអាកាសចរណ៍ ដែលក្នុងនោះ រួមមានទាំងការរឹតបន្តឹងលើការត្រួតពិនិត្យសម្ភារៈដាក់តាមខ្លួនផងដែរ។ លោកថា សម្ភារៈដែលអាចដាក់តាមខ្លួនទាំងនោះ ត្រូវបានក្រុមភេរវជនប្រើប្រាស់ដើម្បីធ្វើឲ្យយន្តហោះធ្លាក់ ហើយប្រសិនបើវាជាយន្តហោះអាមេរិក ច្បាស់ណាស់វានឹងមានជនជាតិអាមេរិកជាច្រើនរងគ្រោះ។
សូមបញ្ជាក់ថា កាលពីខែមីនា កន្លងទៅ អាមេរិកក៏ធ្លាប់បានដាក់បម្រាម ដោយមិនអនុញ្ញាតឲ្យយកគ្រឿងអេឡិចត្រូនិកទៅក្នុងកាប៊ីនយន្តហោះ ដែលចេញ-ចូលទឹកអាមេរិកផងដែរ៕