បឹងកេត អាចឈ្នះជើងឯកលីគកំពូលសិង្ហបុរី៩លើក Warriors FC បានអត់យប់នេះ?

2017-05-29 02:24:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជើងឯកលីគកំពូល ២សម័យរបស់កម្ពុជា បឹងកេត នឹងត្រូវប្រកួតទល់នឹងក្រុម Warriors FC នៅម៉ោង៧:៣០ នាទីយប់ថ្ងៃទី២៩ ខែឧសភានេះ សម្រាប់ជំនួបក្នុងពានរង្វាន់ Singapore Cup 2017 នៅប្រទេសសិង្ហបុរី។

Warriors FC ដែលទើបតែប្ដូរឈ្មោះពី Singapore Armed Forces FC កាលពីឆ្នាំ២០១៣ គឺជាម្ចាស់ជើងឯកលីគកំពូលសិង្ហបុរីចំនួន ៩សម័យកាល ដែលឈ្នះលើកចុងក្រោយនៅក្នុងឆ្នាំ២០១៤។ ក្រៅពីនេះ ក្រុមដដែលក៏ធ្លាប់ឈ្នះជើងឯក Singapore Cup ចំនួន ៤លើក និង FC Cup របស់សិង្ហបុរីចំនួន ១លើកផងដែរ។ កាលពីរដូវកាល ២០១៦ ក្រុមនេះបញ្ចប់ក្នុងចំណាត់ថ្នាក់លេខ៧។

ក្រុម Warriors FC

សូមបញ្ជាក់ថា ព្រឹត្តិការណ៍ Singapore Cup 2017 ជាកម្មវិធីប្រកួតប្រជែងប្រចាំឆ្នាំរវាងក្រុមមកពីលីគកំពូលផ្សេងៗ លើកទី២០ ដែលរៀបចំឡើងដោយសហព័ន្ធកីឡាបាល់ទាត់សិង្ហបុរី។ ក្នុងនោះ ក្រុមក្នុងស្រុកមានចំនួន ៩ក្រុម និងក្រុមក្រៅស្រុកមានមកពីកម្ពុជា ព្រមទាំងហ្វីលីពីន ចំនួន ៤ក្រុម ចូលរួមប្រកួត។ ក្រុម Albirex Niigata របស់សិង្ហបុរី ជាក្រុមការពារតំណែងជើងឯក កាលពីឆ្នាំ២០១៦៕

អត្ថបទ៖ លាភ.