សង្គ្រាមនៅហ្វីលីពីន រយៈពេល ៦ថ្ងៃ ធ្វើឱ្យអ្នកស្លាប់កើនឡើងជិត ១០០នាក់ហើយ

2017-05-29 03:32:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពរដ្ឋាភិបាលហ្វីលីពីន បានរកឃើញសាកសពជនស៊ីវិល ៨នាក់ កាលពីចុងសប្តាហ៍ ដែលត្រូវបានសម្លាប់ដោយក្រុមឧទ្ទាម Maute នៅក្រុង Marawi ភាគខាងត្បូងហ្វីលីពីន។ ការរកឃើញនេះ បានបន្ថែមចំនួនអ្នកស្លាប់ដោយសារការប៉ះទង្គិចគ្នារវាងកងទ័ពរដ្ឋាភិបាល និងក្រុមឧទ្ទាម រយៈពេល ៦ថ្ងៃមកនេះ គឺបានឡើងដល់ ៩៥នាក់ហើយ។

ក្រុមឧទ្ទាម Maute

អ្នកនាំពាក្យយោធាហ្វីលីពីនមួយរូប បានបញ្ជាក់ថា ក្រៅពីជនស៊ីវិលដែលបានស្លាប់ ក្នុងនោះក្រុមឧទ្ទាម ៦១នាក់ ទាហាន ១១នាក់ និងប៉ូលិស ៤នាក់ ក៏ត្រូវបានស្លាប់ក្នុងការប្រយុទ្ធគ្នានេះផងដែរ។ ចំណែកប្រជាជនជាង ២ពាន់នាក់ទៀត បានជាប់នៅក្នុងសមរភូមិក្រុង Marawi នេះនៅឡើយ៕

អ្នកនាំពាក្យដដែល បន្តថា ទាហានហ្វីលីពីន នឹងនៅតែបន្តវាយប្រហារតាមផ្លូវអាកាស និងបាញ់ផ្លោងដាក់ទិសដៅសំខាន់ៗដែលក្រុមឧទ្ទាម បានលាក់ខ្លួន នៅក្នុងក្រុងនេះ៕

ប្រភព៖ Zee News ប្រែសម្រួល៖ សំភី