ជាង១៤ម៉ឺននាក់ ចុះឈ្មោះសង្កេតការណ៍បោះឆ្នោតឃុំសង្កាត់
- 2017-05-29 04:27:08
- ចំនួនមតិ 0 | ចំនួនចែករំលែក 0
ជាង១៤ម៉ឺននាក់ ចុះឈ្មោះសង្កេតការណ៍បោះឆ្នោតឃុំសង្កាត់
ចន្លោះមិនឃើញ
អ្នកសង្កេតការណ៍ជាតិ និងអន្តរជាតិ រួមទាំងភ្នាក់ងារគណបក្សនយោបាយ ជាង១៤ម៉ឺននាក់ បានចុះឈ្មោះសង្កេតការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧ ខាងមុខនេះ។
លោកហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានមានប្រសាសន៍ឲ្យដឹងនៅព្រឹកថ្ងៃទី២៩ ខែឧសភានេះថា រហូតមកដល់ពេលនេះ គ.ជ.ប បានចេញប័ណ្ណដល់អ្នកសង្កេតការណ៍ជាតិ សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ ចំនួន ៥៦៨១៧នាក់ និងអ្នកសង្កេតការណ៍អន្តរជាតិមានចំនួន ៩៤នាក់។ ចំណែកខាងភ្នាក់ងារគណបក្សនយោបាយ ដែលបានដាក់ពាក្យសង្កេតការណ៍មានជិត ៦ម៉ឺននាក់។
លោកបន្តថា ការផ្តល់ប័ណ្ណសង្កេតការណ៍សម្រាប់អង្គការមិនមែនរដ្ឋាភិបាល គឺបានបិទបញ្ចប់ហើយ ប៉ុន្តែសម្រាប់អ្នកសង្កេតការណ៍អន្តរជាតិ និងគណបក្សនយោបាយនៅតែទទួលបន្ត។
លោក ហង្ស ពុទ្ធា បានបញ្ជាក់ទៀតថា គ.ជ.ប បានបើកដំណើរការចុះឈ្មោះអ្នកសង្កេតការណ៍ជាតិ អន្តរជាតិ និងអង្គទូតប្រចាំកម្ពុជា ចាប់តាំងពីថ្ងៃទី៤ ខែឧសភា ឆ្នាំ២០១៧។ មន្ត្រីស្ថានទូតដែលបានចុះឈ្មោះសង្កេតការណ៍ មានដូចជា ស្ថានទូតអាមេរិក បារាំង និងអង់គ្លេសជាដើម៕