ដូណាល់ ត្រាំ វាយប្រហារអាល្លឺម៉ង់ថា អាក្រក់លើការធ្វើពាណិជ្ជកម្ម

2017-05-29 04:55:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងជំនួបជាមួយមន្រ្តីជាន់ខ្ពស់សហភាពអឺរ៉ុប នៅក្រុង Brussels កាលពីថ្ងៃទី២៥ ឧសភា ២០១៧ ប្រធានាធិបតីអាមេរិក ដូណាល់ ត្រាំ បាននិយាយថា អាល្លឺម៉ង់គឺពិតជាអាក្រក់ណាស់លើការធ្វើពាណិជ្ជកម្ម ហើយលោកបានប្រកាសកាត់បន្ថយការនាំចូលរថយន្តរបស់អាល្លឺម៉ង់មកក្នុងប្រទេសអាមេរិកផងដែរ។

ចំណែកទីប្រឹក្សាសេដ្ឋកិច្ចរបស់លោក ដូណាល់ ត្រាំ បានបញ្ជាក់ថា "គាត់បាននិយាយថា អាល្លឺម៉ង់ពិតជាអាក្រក់លើការធ្វើពាណិជ្ជកម្ម ប៉ុន្តែគាត់មិនមិនបញ្ហាជាមួយអាល្លឺម៉ង់នោះទេ"។

ការលើកឡើងរបស់លោក ដូណាល់ ត្រាំ ដូច្នេះ គឺក្រោយអាមេរិកមានឧនភាពពាណិជ្ជកម្មជាមួយអាល្លឺម៉ង់ ក្នុងទំហំទឹកប្រាក់រាប់ពាន់លានដុល្លារ នៅប៉ុន្មានទសវត្សចុងក្រោយនេះ។ ជាក់ស្ដែង អាមេរិកមានឧនភាពពាណិជ្ជកម្មជាមួយអាល្លឺម៉ង់ នៅឆ្នាំ២០១៥ ក្នុងទំហំទឹកប្រាក់ប្រមាណ ៧៤ពាន់លានដុល្លារ នៅឆ្នាំ២០១៦ ក្នុងទំហំទឹកប្រាក់ប្រមាណ ៦៤ពាន់លានដុល្លារ និងនៅត្រីមាសទីមួយ ឆ្នាំ២០១៧នេះ មានទំហំទឹកប្រាក់ប្រមាណ ១៤ពាន់លានដុល្លារ។

ហាងរថយន្តអាល្លឺម៉ង់នៅក្នុងសហរដ្ឋអាមេរិក

សូមបញ្ជាក់ថា កាលពីខែមករា ២០១៧ ប្រធានាធិបតី ដូណាល់ ត្រាំ ក៏ធ្លាប់រិះគន់អាល្លឺម៉ង់ លើបញ្ហាអតិរេកពាណិជ្ជកម្មជាមួយអាមេរិកផងដែរ និងបានព្រមានយកពន្ធលើការនាំចូលរថយន្តរបស់អាល្លឺម៉ង់មកក្នុងទឹកដីអាមេរិក រហូតដល់ចំនួន ៣៥%៕

ប្រភព៖ CNN ប្រែសម្រួល៖ វាសនា