គ.ជ.ប នឹងប្រជុំបូកសរុបព្រឹត្តិការណ៍ទូទៅនៃការបោះឆ្នោតនៅថ្ងៃទី០៤ មិថុនា
- 2017-05-29 06:53:25
- ចំនួនមតិ 0 | ចំនួនចែករំលែក 0
គ.ជ.ប នឹងប្រជុំបូកសរុបព្រឹត្តិការណ៍ទូទៅនៃការបោះឆ្នោតនៅថ្ងៃទី០៤ មិថុនា
ចន្លោះមិនឃើញ
គណៈកម្មការជាតិរៀបចំការបោះឆ្នោត នឹងរៀបចំប្រជុំបូកសរុបព្រឹត្តិការណ៍ទូទៅនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ និងការប្រកាសផ្សាយលទ្ធផលបឋមនៃការបោះឆ្នោត នៅថ្ងៃទី០៤ មិថុនា ២០១៧។ នេះបើតាមសេចក្ដីជូនដំណឹងរបស់គណៈកម្មការជាតិរៀបចំការបោះឆ្នោត តាមរយៈហ្វេសប៊ុករបស់ខ្លួន នៅថ្ងៃទី២៩ ឧសភានេះ។ កិច្ចប្រជុំនេះ នឹងប្រព្រឹត្តទៅនៅថ្ងៃទី០៤ មិថុនា ២០១៧ វេលាម៉ោង ៤:០០រសៀល នៅសាលសន្និសីទ គ.ជ.ប ក្រោមអធិបតីភាពលោក ស៊ិន ប៊ុនហុក ប្រធាន គ.ជ.ប។
ដោយឡែក នៅថ្ងៃទី០២ មិថុនា ២០១៧ គណៈកម្មការជាតិរៀបចំការបោះឆ្នោត ក៏នឹងរៀបចំប្រជុំបូកសរុបព្រឹត្តិការណ៍ទូទៅនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ និងការបិទផ្សាយបញ្ជីបោះឆ្នោតនៅតាមការិយាល័យបោះឆ្នោតផងដែរ។ នេះបើតាមសេចក្ដីជូនដំណឹងមួយទៀតរបស់គណៈកម្មការជាតិរៀបចំការបោះឆ្នោត តាមរយៈហ្វេសប៊ុករបស់ខ្លួន នៅថ្ងៃទី២៩ ឧសភានេះ។ កិច្ចប្រជុំនេះ នឹងប្រព្រឹត្តទៅក្រោមអធិបតីភាពលោកជំទាវ តែ ម៉ានីរ៉ុង សមាជិកា គ.ជ.ប៕