BMW ផ្អាកការផលិតរបស់ខ្លួន នៅក្នុងប្រទេសចិន

2017-05-29 08:07:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនផលិតរថយន្តអាល្លឺម៉ង់ BMW AG បានបញ្ឈប់ការផលិតរបស់ខ្លួន នៅក្នុងប្រទេសអាល្លឺម៉ង់ និងឈានដល់ការផ្អាកនៅប្រទេសចិន និងអាហ្វ្រិកខាងត្បូង នៅថ្ងៃទី២៩ ឧសភានេះ ដោយសារក្រុមហ៊ុននេះកំពុងខ្វះផ្នែកដៃចង្កូត។

រោងចក្រ BMW នៅក្រុង Shenyang ប្រទេសចិន

ក្នុងនោះ ការផលិតនៅរោងចក្រក្នុងក្រុង Shenyang ប្រទេសចិន និងក្រុង Rosslyn ប្រទេសអាហ្វ្រិកខាងត្បូង អាចនឹងផ្អាកចំនួនមួយថ្ងៃ ខណៈរោងចក្រនៅតំបន់ Leipzig នាប្រទេសអាល្លឺម៉ង់ អាចនឹងដំណើរការបានវិញ ក្រោយបានផ្អាកចាប់តាំងពីថ្ងៃទី២៦ ខែឧសភា មកម្ល៉េះ។ ការផ្អាកនេះ ដោយសារក្រុមហ៊ុនផ្គត់ផ្គង់ផ្នែករថយន្តនៅប្រទេសអ៊ីតាលី ពុំអាចបញ្ជូនផ្នែករថយន្តទាំងនោះ មកឲ្យក្រុមហ៊ុន BMW ទាន់ពេលវេលា។

សូមបញ្ជាក់ថា BMW មានរោងចក្រចំនួន២ នៅក្រុង Shenyang របស់ចិន និងមានដៃគូសហការជាមួយក្រុមហ៊ុនក្នុងស្រុក Brilliance China Automotive Holdings Ltd ដោយផលិតរថយន្ត BMW ប្រភេទ 3-Series sedans និង 5-Series sedans៕

ប្រភព៖ Bloomberg ប្រែសម្រួល៖ វាសនា