គ.ជ.ប ចេញវិធានការដោះស្រាយ ពេលមានទឹកជំនន់ រំខានដល់ការបោះឆ្នោត

2017-05-29 10:02:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យ គ.ជ.ប លោក ហង្ស ពុទ្ធា បានឱ្យដឹងនៅថ្ងៃទី២៩ ខែឧសភានេះថា ក្នុងពេលអាកាសធាតុមិនអំណោយផល គ.ជ.ប បានបញ្ជូនសម្ភារៈ ដែលបម្រើឱ្យការបោះឆ្នោតជ្រើសរើសក្រុមប្រឹក្សាឃុំ -សង្កាត់ បានទៅដល់គណៈកម្មការរៀបចំការបោះឆ្នោតឃុំ-សង្កាត់ នៅទូទាំងប្រទេសរួចរាល់ហើយ ដោយទុកដាក់យ៉ាងមានសុវត្ថិភាព។

លោកបញ្ជាក់ថា ក្នុងករណីមានបញ្ហាទឹកជំនន់ ដែលរំខានដល់ការបោះឆ្នោត នៅការិយាល័យបោះឆ្នោតក្នុងឃុំ-សង្កាត់ណាមួយនោះ គ.ជ.ប នឹងចាត់ចែងរៀបចំការបោះឆ្នោតឡើងវិញ នៅការិយាល័យបោះឆ្នោតទាំងនោះ។

លោក ហង្ស ពុទ្ធា ថ្លែងទៅកាន់អ្នកសារព័ត៌មានក្រោយកិច្ចប្រជុំមួយ កាលពីថ្ងៃទី៤ឧសភា ២០១៥។ រូបថត: RFA

ទន្ទឹមនឹងនេះ គ.ជ.ប ក៏បានត្រៀមរួចជាសេ្រចហើយនូវមធ្យោបាយដឹកជញ្ជូនសន្លឹក ឆ្នោតទៅកាន់កន្លែង សុវត្ថិភាព ក្នុងករណីប្រធានស័ក្ដិកើតឡើងនៅតាមការិយាល័យបោះឆ្នោតណាមួយ។

យោងតាមក្រសួងធនធានទឹក និងឧតុនិយម បានឱ្យដឹងថា ចាប់ពីថ្ងៃទី១ ដល់ ៤មិថុនា ឆ្នាំ២០១៧ ដែលត្រូវនឹងថ្ងៃបោះឆ្នោតក្រុមប្រឹក្សាឃុំ-សង្កាត់ អាណត្តិទី៤ ភ្លៀងអាចនឹងធ្លាក់រាយប៉ាយពីតិចទៅបង្គួរ៕

ប្រភព៖ AKP ប្រែសម្រួល៖ សំភី