ប្រជាពលរដ្ឋនៅអគារប៊ូឌីញ ៤៣៦គ្រួសារ បានព្រមព្រៀងលក់ផ្ទះឲ្យក្រុមហ៊ុន Arakawa របស់ជប៉ុន
- 2017-05-29 12:53:51
- ចំនួនមតិ 0 | ចំនួនចែករំលែក 0
ប្រជាពលរដ្ឋនៅអគារប៊ូឌីញ ៤៣៦គ្រួសារ បានព្រមព្រៀងលក់ផ្ទះឲ្យក្រុមហ៊ុន Arakawa របស់ជប៉ុន
ចន្លោះមិនឃើញ
ក្រសួងរៀបចំដែនដី នគរូបនីយកម្ម និងសំណង់ បានប្រកាសថា ប្រជាពលរដ្ឋដែលជាម្ចាស់ចំណែកឯកជន នៃអគារសហកម្មសិទ្ធិ "អគារប៊ូឌីញ ស" ចំនួន ៤៣៦នាក់ ស្មើនឹង ៨៨,៤៣% បានចុះកិច្ចសន្យារួចរាល់ជាមួយក្រុមហ៊ុនជប៉ុនហើយ។ ចំនួននេះ គឺគិតចាប់ពីថ្ងៃទី១២ ខែឧសភា ដល់ត្រឹមព្រឹកថ្ងៃទី២៩ ខែឧសភា ឆ្នាំ២០១៧។
របាយការណ៍របស់ក្រសួងដែនដី បានឲ្យដឹងថា ចំនួនម្ចាស់ចំណែកឯកជនដែលបានណាត់ជួបរួច មាន១៥គ្រួសារ ស្មើនឹង៣,០៤%។ ចំនួនម្ចាស់ចំណែកឯកជនដែលមិនទាន់សម្រេចចិត្ត គឺមាន ៤១គ្រួសារ ស្មើនឹង ៨,៣១%។ ចំនួនសរុបម្ចាស់ឯកជនដែលបានចុះកិច្ចសន្យាលក់ទិញ និងចំនួនម្ចាស់ចំណែកឯកជនដែលបានណាត់រួចមាន៤៥១គ្រួសារ ស្មើនឹង៩១,៤៨%។
សូមជម្រាបថា ក្រុមហ៊ុនជប៉ុន Arakawa គ្រោងចំណាយថវិកាប្រមាណពី៧០ ទៅ ៨០លានដុល្លារអាមេរិក ដើម្បីធ្វើការអភិវឌ្ឍអគារប៊ូឌីញ ស នៅនឹងកន្លែង គឺសាងសង់អគារកម្ពស់២១ជាន់៕