លោក Leonardo រំពឹងផ្លាស់ប្ដូរប្រវត្តិសាស្ត្របាល់ទាត់កម្ពុជាពីបច្ចុប្បន្នតទៅ
- 2017-06-12 22:58:22
- ចំនួនមតិ 0 | ចំនួនចែករំលែក 0
លោក Leonardo រំពឹងផ្លាស់ប្ដូរប្រវត្តិសាស្ត្របាល់ទាត់កម្ពុជាពីបច្ចុប្បន្នតទៅ
ចន្លោះមិនឃើញ
គ្រូបង្វឹកក្រុមបាល់ទាត់ជម្រើសជាតិកម្ពុជា លោក Leonardo Vitorino បានអះអាងថា កម្ពុជាកំពុងចាប់ផ្ដើមគម្រោងថ្មីមួយ ដើម្បីកែប្រែប្រវត្តិសាស្ត្រ និងអភិវឌ្ឍវិស័យបាល់ទាត់របស់ខ្លួន ត្រៀមសម្រាប់ព្រឹត្តិការណ៍ស៊ីហ្គេម ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។ ការលើកឡើងនេះ ធ្វើឡើងនៅក្នុងសន្និសីទសារព័ត៌មាន មុនជំនួបរវាងកម្ពុជា ជាមួយក្រុមអាហ្វហ្គានីស្ថាន នាម៉ោង ៦:៣០ នាទី ល្ងាចថ្ងៃទី១៣ ខែមិថុនា នេះ។
ឆ្លើយនឹងសំណួររបស់ក្រុមអ្នកកាសែត អំពីបរាជ័យ ៣ប្រកួតចុងក្រោយក្រោមការដឹកនាំរបស់លោក អតីតគ្រូបង្វឹកក្រុម Lanexang United បាននិយាយថា ការមកដឹកនាំក្រុមបាល់ទាត់ជម្រើសជាតិកម្ពុជាគឺជាការចាប់ផ្ដើមថ្មីមួយរបស់លោក ជាមួយសមាជិកនៃសហព័ន្ធបាល់ទាត់កម្ពុជា ដើម្បីត្រៀមស៊ីហ្គេមឆ្នាំ២០២៣។
លោកពន្យល់ថា ក្រុមរហស្សនាមគោព្រៃកម្ពុជា ភាគច្រើនប្រកួតឈ្នះត្រឹមតែក្រុមដែលមានកម្រិត ឬ ចំណាត់ថ្នាក់ FIFA Ranking ទាបជាងខ្លួនតែប៉ុណ្ណោះ។ ដូច្នេះ ការអភិវឌ្ឍសមត្ថភាពបន្ថែមទៀត គឺជាអ្វីដែលត្រូវធ្វើក្នុងការដឹកនាំរបស់លោក សម្រាប់ការផ្លាស់ប្ដូរប្រវត្តិសាស្ត្រនៃវិស័យបាល់ទាត់កម្ពុជា ដោយការពង្រឹងកម្រិតលេងរបស់កីឡាករ៕