U17 វៀតណាមធ្លាប់ទម្លាក់កម្ពុជា ត្រឹមវគ្គ១/២ AFF U16 Youth Championship 2016

2017-06-20 03:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអាយុក្រោម ១៧ឆ្នាំ (U17) កម្ពុជា នឹងទទួលស្វាគមន៍ក្រុមវៀតណាម ក្នុងការប្រកួតមិត្តភាពដើម្បីអបអរខួបលើកទី ៥០ឆ្នាំនៃទំនាក់ទំនងការទូតរវាងប្រទេសទាំងពីរ វេលាម៉ោង ៦:៣០ នាទីល្ងាចថ្ងៃទី២១ ខែមិថុនា ឆ្នាំ២០១៧ នៅពហុកីឡដ្ឋានជាតិ រាជធានីភ្នំពេញ។

កាលពីព្រឹកថ្ងៃទី១៩ ខែមិថុនា ក្រុម U17 វៀតណាមដែលមានសមាជិកកីឡាករ ២២នាក់ បានធ្វើដំណើរមកកាន់រាជធានីភ្នំពេញ។ សមាជិកក្រុមនេះត្រូវបានកោះហៅដោយគ្រូបង្វឹកលោក Nguyen Cong Cuong ។ ក្នុងនោះ មានកីឡាករមួយចំនួនធ្លាប់លេងនៅក្រុម U16 វៀតណាម កាលពីឆ្នាំមុន ដែលបានឈានដល់វគ្គ៨ក្រុមចុងក្រោយ ពានរង្វាន់ U16 Asian Championship ដូចជាកីឡាករ Huu Sheng, Khac Khiem, Trong Long, Ngoc Tien, Huynh Sang និង Huu Tuan ជាដើម។

U16 វៀតណាម កាលឆ្នាំ២០១៦

លើសពីនេះ កីឡាករទាំងនេះហើយ ដែលបានទម្លាក់ក្រុម U16 កម្ពុជា នៅវគ្គពាក់កណ្ដាលផ្តាច់ព្រឹត្តិការណ៍ជើងឯកបាល់ទាត់អាស៊ីអាគ្នេយ៍អាយុក្រោម ១៦ឆ្នាំ កាលពីឆ្នាំ២០១៦ ឬ AFF U16 Youth Championship 2016 ដែលគ្រានោះកម្ពុជាធ្វើជាម្ចាស់ផ្ទះ។ ក្នុងការប្រកួតនោះ U16 កម្ពុជា ចាញ់ U16 វៀតណាម ក្នុងលទ្ធផល ០-១ ដែលជាការស៊ុតបញ្ចូលទីពីកីឡាករ Khac Khiem នៅនាទី២៨៕

វីដេអូហាយឡាយ U16 កម្ពុជា Vs U16 វៀតណាម នៅ AFF U16 Youth Championship 2016