ផ្នូរសពលោក កែម ឡី ត្រូវបានគេជីកកកាយ?

2017-06-20 03:56:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅសល់ប្រមាណកន្លះខែទៀតប៉ុណ្ណោះ បុណ្យរលឹកខួបនៃការស្លាប់មួយឆ្នាំរបស់អ្នកវិភាគបញ្ហាសង្គម លោក កែម ឡី នឹងធ្វើឡើងនៅខេត្តតាកែវ។ ស្របគ្នានេះ បែរជាលេចលឺព័ត៌មានថា មានគេទៅជីកកកាយជុំវិញផ្នូរសពលោក កែម ឡី ពីសំណាក់គណនីហ្វេសប៊ុក Somaly Keo កាលពីថ្ងៃទី១៩ មិថុនា ម្សិលមិញ។ គណនីហ្វេសប៊ុក Somaly Keo បានសរសេរថា "ហេតុអីបានជាជនមួយក្តាប់តូចនាំគ្នាមករំខានផ្នូរលោកឧត្តមបណ្ឌិត កែម ឡី យ៉ាងដូចនេះ"៕

ជុំវិញបញ្ហានេះ លោក សៅកុសល សមាជិកគណៈកម្មការសាងសង់ចេតិយ និងបុណ្យខួបលោក កែម ឡី បានបញ្ជាក់ថា "រឿងនេះ មិនមែនរឿងជីកកកាយទេ គឺជីកធ្វើគ្រឹះសាងសង់ចេតិយ"។

លោកបញ្ជាក់ទៀតថា ពេលនេះ គឺក្រុមការងារកំពុងជីកដីចាក់គ្រឹះ ដែលវាត្រូវការទាំងថវិកា និងពេលវេលាច្រើន។ លោកថា គម្រោងជីកដីធ្វើគ្រឹះចេតិយនេះ នឹងបញ្ចប់ឲ្យបានមុនថ្ងៃទីបុណ្យរំលឹកខួបមួយឆ្នាំនៃសពលោក កែម ឡី ហើយស្របគ្នានេះដែរ ក៏ជាឱកាសប្រកាសសម្ពោធការដ្ឋានសាងសង់ចេតិយជាផ្លូវការក្នុងពេលជាមួយគ្នាតែម្ដង។ យ៉ាងណាមិញ គម្រោងសាងសង់ចេតិយនេះ នឹងបញ្ចប់ក្នុងរយៈពេលយ៉ាងយូរ ២ឆ្នាំ និងត្រូវចំណាយប្រាក់ចំនួន ១៧ម៉ឺនដុល្លារ។ សព្វថ្ងៃ គម្រោងនេះទទួលប្រាក់ចំនួន ៦ពាន់ដុល្លារ សម្រាប់ចាក់គ្រឹះចេតិយនេះ៕

ប្រភព៖ Vayo Fm ប្រែសម្រួល៖ វាសនា