កងទ័ពអ៊ីរ៉ាក់ ឡោមព័ទ្ធតំបន់ចុងក្រោយរបស់ក្រុម IS នៅក្រុងមូស៊ុលហើយ

2017-06-21 06:57:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពអ៊ីរ៉ាក់ បានដណ្តើមកាន់កាប់សង្កាត់ al-Shifaa កាលពីថ្ងៃទី២០មិថុនា មានន័យថា កងទ័ពអ៊ីរ៉ាក់ បានឡោមព័ទ្ធ Old City ដែលជាតំបន់ចុងក្រោយរបស់ក្រុម IS នៅក្នុងក្រុងមូស៊ុល។

សមរភូមិ ដណ្តើមយកតំបន់ Old City គឺជាកន្លែងដែលប្រយុទ្ធគ្នាមានការស្លាប់ច្រើនបំផុត នៃយុទ្ធនាការដណ្តើមក្រុង Mosul របស់រដ្ឋាភិបាលអ៊ីរ៉ាក់ ជាង ៨ខែមកនេះ។

កាលពីចុងសប្តាហ៍កន្លងទៅ អាជ្ញាធរអ៊ីរ៉ាក់ បានទម្លាក់ខិត្តបណ្ណ នៅក្រុងមូស៊ុល ផ្តល់ដំណឹងឱ្យជនស៊ីវិល កុំឱ្យចាកចេញពីក្រុង និងបានផ្តល់ជម្រើសឱ្យក្រុម IS ថា តើយក «ការចុះចាញ់» ឬ «ស្លាប់» ក្រោយពេល កងទ័ពអ៊ីរ៉ាក់ បានចាប់ផ្តើមវាយលុកចូល Old City។

អង្គការអន្តរជាតិ បានបង្ហាញពីការព្រួយបារម្ភថា មានជនស៊ីវិលជាង ១០ម៉ឺននាក់ (ជាងពាក់កណ្តាលជាក្មេង) កំពុងជាប់នៅក្នុងតំបន់នេះនៅឡើយ ដោយពួកគេខ្វះអាហារ ទឹក ថ្នាំពេទ្យ និងគ្មានអគ្គិសនីប្រើប្រាស់៕