"មិត្តស្រីក្រៅម៉ោង" ការងារកំពុងពេញនិយមខ្លាំងនៅហុងកុង

2017-06-28 03:28:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សេវាកម្មជួលមិត្តស្រីក្រៅម៉ោង កំពុងផ្ទុះឡើងខ្លាំង នៅហុងកុង តាមរយៈបណ្ដាញសង្គម (Facebook & Instagram) ដែលតម្លៃជួលមានចាប់ពី ១២ដុល្លារ ដល់ទៅ ៥១២ដុល្លារ។

សិស្សស្រីម្នាក់ឈ្មោះ Jo វ័យ១៦ឆ្នាំ បានសម្រេចប្រឡូកក្នុងវិស័យការងារជាមិត្តស្រីក្រៅម៉ោង ដោយបានបង្កើតគណនី Instagram មួយកាលពីខែឧសភាកន្លងទៅ ក្នុងគោលបំណងចង់សន្សំប្រាក់ឲ្យបានគ្រប់ ៥ ១០០ដុល្លារ ដើម្បីទិញឧបករណ៍ភ្លេងក្នុងក្ដីស្រមៃរបស់នាង។ Jo បានប្រាប់ឲ្យដឹងថា អតិថិជនរបស់នាង មានវ័យប្រមាណពី ២៥ឆ្នាំ ដល់ ៣៥ឆ្នាំ ហើយជាប្រភេទមនុស្សដែលឯកោ ឬក៏ទើបបែកពីមិត្តស្រី។

កញ្ញា Jo សិស្សវិទ្យាល័យ វ័យ១៦ឆ្នាំ

ទោះជាមានការងារប្លែកពីគេ Jo នៅតែអះអាងថា អ្នកដែលលក់សេវាកម្មធ្វើជាមិត្តស្រីក្រៅម៉ោងនេះ មិនមែនសុទ្ធតែលក់ខ្លួនប្រាណឲ្យគេនោះទេ។ តួយ៉ាងដូចជាខ្លួននាងជាក់ស្ដែង ដែលធ្លាប់ត្រូវអតិថិជនផ្ដល់តម្លៃឲ្យ ២៥០ដុល្លារ ដើម្បីរួមភេទជាមួយ តែត្រូវនាងបដិសេធ។ Jo បញ្ជាក់ថា ការងារនេះពិតជាមានគ្រោះថ្នាក់ណាស់ ដូច្នេះរាល់ពេលទៅក្រៅជាមួយអតិថិជន Jo តែងសិក្សាឲ្យបានច្បាស់ថា គេជាមនុស្សគួរទុកចិត្តបាន ឬក៏យ៉ាងណា។ បន្ថែមពីនេះ នាងប្រាប់ថា នៅពេលគ្រប់ចំនួនលុយដែលនាងចង់បាន នាងនឹងឈប់ធ្វើការងារនេះភ្លាម។

បើទោះជាមានប្រជាប្រិយភាពក៏ពិតមែន ការងារជាមិត្តស្រីក្រៅម៉ោង ក៏ទទួលបានការរិះគន់ប្រមាថជាច្រើនដែរ ជាពិសេសតាមរយៈបណ្ដាញសង្គម ដែលបានចោទថា អ្នកដែលធ្វើការងារនេះសុទ្ធតែជាអ្នកលក់ខ្លួនប្រាណ ច្រើនជាងទំនាក់ទំនង៕

ប្រភព៖ Scmp ប្រែសម្រួល៖ ឈាង.