នៅកម្ពុជា បាល់ទះ ជាកីឡាពេញនិយមទី៣ បន្ទាប់ពីបាល់ទាត់និងប្រដាល់
- 2017-07-05 07:17:36
- ចំនួនមតិ 0 | ចំនួនចែករំលែក 0
នៅកម្ពុជា បាល់ទះ ជាកីឡាពេញនិយមទី៣ បន្ទាប់ពីបាល់ទាត់និងប្រដាល់
ចន្លោះមិនឃើញ
នៅប្រទេសកម្ពុជា បន្ទាប់ពីកីឡាបាល់ទាត់និងកីឡាប្រដាល់មក គឺមានតែបាល់ទះប៉ុណ្ណោះ ដែលជាប្រភេទកីឡាពេញនិយមនិងមានអ្នកលេងច្រើនជាងគេ។
បើតាមការបញ្ជាក់ពីឯកឧត្ដម ថោង ខុន ប្រធានគណៈកម្មាធិការជាតិអូឡាំពិកកម្ពុជាប្រភេទកីឡាពេញនិយមជាងគេនៅកម្ពុជា មានតែបាល់ទាត់និងប្រដាល់នេះឯង។ ដោយឡែកបើនិយាយពីប្រភេទកីឡាពេញនិយមបន្ទាប់នោះ គឺមានតែកីឡាបាល់ទះ ព្រោះទៅដល់ណាក៏មានអ្នកលេងបាល់ទះដែរ។ ដូច្នេះ កម្ពុជាត្រូវពង្រឹងវិស័យនេះបន្ថែមទៀត ដើម្បីអាចប្រជែងជាមួយប្រទេសដទៃទៀតបាន។ ខណៈដែលកីឡាករ និងអ្នកចូលចិត្តបាល់ទះក៏មានច្រើនស្រាប់ដែរ។
វិស័យបាល់ទះនៅកម្ពុជាបច្ចុប្បន្នឃើញថាមានការរីករាលដាលច្រើន ដោយមានទាំងការប្រកួតបាល់ទះលើក្ដារ និងបាល់ទះលើឆ្នេរ។ វិញ្ញាសាទាំងពីរនេះ តែងតែមានព្រឹត្តិការណ៍ធំៗប្រចាំឆ្នាំរហូត ហើយការចូលរួមក៏មានច្រើនដែរ ទោះបីជានៅកម្ពុជាក្លឹបបាល់ទះធំៗមិនសូវមានច្រើនក៏ដោយ។
យ៉ាងណាមិញ នៅព្រឹត្តិការណ៍ស៊ីហ្គេមនាពេលខាងមុខនេះ គណៈកម្មាធិការជាតិអូឡាំពិកកម្ពុជាក៏បានដាក់បញ្ចូលកីឡាបាល់ទះចូលក្នុងបញ្ជីដែលកម្ពុជាបញ្ជូនទៅប្រកួតប្រជែងយកមេដាយផងដែរ៕