អ៊ីរ៉ាក់ ប្រកាសពីជោគជ័យដណ្ដើមបានទីក្រុង Mosul ជាស្ថាពរ

2017-07-10 23:13:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយករដ្ឋមន្ត្រីអ៊ីរ៉ាក់ Haider al-Abadi បានធ្វើការប្រកាសជាផ្លូវការអំពីភាពជោគជ័យលើក្រុម IS នៅទីក្រុង Mosul កាលពីម្សិលមិញ ។

សង្រ្គាមនៅ Mosul បានអូសបន្លាយអស់រយៈពេល ៩ខែ បណ្ដាលឲ្យតំបន់ជាច្រើនខូចខាត ស្លាប់ជនស៊ីវិលរាប់ពាន់នាក់ ហើយប្រជាជនលើសពី ៩២ម៉ឺននាក់ បានជម្លៀសខ្លួនពីលំនៅឋានរបស់ពួកគេ។ តាមការប៉ាន់ស្មានរបស់អង្គការសហប្រជាជាតិ អគារជាង ៥០០០ខ្នងត្រូវរងការខូចខាត ហើយ ៤៩០ខ្នងទៀត ត្រូវបានបំផ្លាញទាំងស្រុង។

ប្រតិបត្តិការ តទល់នឹង IS ត្រូវបានដឹកនាំដោយអាមេរិក ដោយផ្ដល់ជាការគាំទ្រផ្លូវអាកាស និងផ្លូវគោក សម្រាប់កងកម្លាំងរបស់អ៊ីរ៉ាក់។ បន្ទាប់ពីទទួលបានការកាន់កាប់ទីក្រុង Mosul វិញជាស្ថាព័រ លោក Abadi បានលើកទង់ជាតិអ៊ីរ៉ាក់ គ្រវីដើម្បីបង្ហាញពីជ័យជម្នះលើក្រុម IS ជាមួយយោធាជាច្រើនរូបនៅទីក្រុងខាងលើ។

មន្ត្រីយោធាអ៊ីរ៉ាក់អះអាងថា ក្រុមសកម្មប្រយុទ្ធទាំងនោះ បានគេចខ្លួនជាមួយប្រពន្ធកូនរបស់ពួកគេ។ ក្រុមនេះ បានក្ដោបក្ដាប់ទីក្រុង Mosul បានកាលពីឆ្នាំ២០១៤ មុនបន្តគ្រប់គ្រងតំបន់មួយចំនួនទៀតនៅភាគខាងជើង និងភាគខាងកើតប្រទេសអ៊ីរ៉ាក់៕