ការសាកថ្មពេញមួយយប់ ប៉ះពាល់ថ្មទូរសព្ទដែរឬទេ?

2017-07-12 08:27:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រើប្រាស់មួយចំនួន និយមដោតសាកថ្មទូរសព្ទ ពេញមួយយប់ ដោយមិនដឹងថាការធ្វើដូច្នេះអាចប៉ះពាល់ដល់ថ្មទូរសព្ទនោះទេ។ វេបសាយជំនាញខាងថ្ម Battery University បានបង្ហាញពីវិធីដើម្បីជួយឲ្យថ្មទូរសព្ទរបស់អ្នក រក្សាគុណភាពបានយូរអង្វែង។

ការសាកថ្មទូរសព្ទពេញមួយយប់ ឬ បន្តដោតសាកនៅក្រោយពេលថាមពលពេញ ១០០ភាគរយ ចាប់ពី ៤ម៉ោងឡើងទៅ គឺជាទង្វើខុសឆ្គងមួយដែលអ្នកប្រើប្រាស់មិនបានដឹង។ ការធ្វើដូច្នេះ បង្កឲ្យគុណភាពថ្មប្រភេទ Lithium-ion ដែលបំពាក់លើ iPhone និងស្មាតហ្វូនភាគច្រើនទៀត ធ្លាក់ចុះនិងថមថយគុណភាពបន្តិចម្ដងៗ ក្នុងរយៈពេលយូរ។

ផ្ទុយទៅវិញ វេបសាយដដែលបានអះអាងថា គេមិនចាំបាច់សាកថ្មទូរសព្ទរហូតដល់ពេញ ១០០ភាគរយ នោះទេ។ ថ្ម Lithium-ion ជាប្រភេទថ្មដែលមិនត្រូវការសាកពេញនោះទេ។ ថ្មទូរសព្ទនឹងរក្សាគុណភាពល្អប្រសើរ ប្រសិនបើសាកក្នុងរយៈពេលខ្លី ជាជាងសាកទុកចោលច្រើនម៉ោង៕

ប្រភព៖ Mirror ប្រែសម្រួល៖ លាភ.