ខ្សែប្រយុទ្ធប្រេស៊ីលរបស់ Muangthong អួតថានឹងស៊ុតចូល Cambodian All Stars

2017-07-13 07:20:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Heberty Fernendes សញ្ជាតិប្រេស៊ីលរបស់ក្រុម Muangthong United បានអះអាងថាខ្លួននឹងអាចរកគ្រាប់បាល់បាន ពេលលេងទល់នឹងក្រុម Cambodian All Stars នៅថ្ងៃទី១៦ កក្កដាខាងមុខនេះ។

Heberty ទើបតែចូលរួមជាមួយក្រុម Muangthong United ទេ ក្នុងតំណែងប្រយុទ្ធ ពាក់អាវលេខ៧។ កីឡាករកើតនៅទីក្រុង Sao Paulo រូបនេះ បាននិយាយថាខ្លួននឹងធ្វើដំណើរមកកម្ពុជានៅថ្ងៃសុក្រស្អែក ដើម្បីប្រកួតជាមួយក្រុមតំណាងកម្ពុជា។ និយាយដោយមានជំនឿចិត្ត កីឡាករវ័យ២៨ឆ្នាំបង្ហើបថា៖ “ពិតណាស់អ្នកទាំងអស់គ្នា នឹងបានឃើញខ្ញុំស៊ុតបញ្ចូលទី។ ជួបគ្នានៅថ្ងៃទី១៦ខាងមុខ ក្រុម Cambodian All Stars”។

Muangthong United នឹងមកដល់កម្ពុជាជា ២ដំណាក់កាល គឺក្រុមគ្រូបង្វឹកបូករួមជាមួយកីឡាករម្នាក់ (Charyl Chappuis) នឹងធ្វើដំណើរមកមុន វេលាម៉ោង៨:៥០នាទីព្រឹកថ្ងៃសុក្រស្អែកនេះ ដើម្បីឱ្យទាន់ចូលរួមធ្វើសន្និសីទកាសែតវេលាម៉ោង ១១:៣០នាទីថ្ងៃត្រង់ ខណៈក្រុមកីឡាករផ្សេងទៀត នឹងធ្វើដំណើរមកដល់កម្ពុជា ម៉ោង៤:២០នាទីរសៀលថ្ងៃដដែល៕