ឧកញ៉ា ម៉ុង ឫទ្ធី បង្ហាញពូជជ្រូកជនជាតិភាគតិច ដែលជិតផុតពូជពីផែនដី

2017-07-14 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧកញ៉ា ម៉ុង ឫទ្ធី បានទទួលពូជជ្រូកជនជាតិភាគតិច ចំនួន ៦ក្បាល ពីរដ្ឋមន្រ្ដីក្រសួងបរិស្ថាន លោក សាយ សំអាល់។ អ្វីដែលគួរឱ្យចាប់អារម្មណ៍នោះ កូនជ្រូកទាំងនោះមានរូបរាងស្អាតៗ និងសម្បុរខ្មៅរលោងខុសពីជ្រូកធម្មតា ដែលប្រជាពលរដ្ឋទូទៅចិញ្ចឹម។

ឧកញ៉ា ម៉ុង ឫទ្ធី បានបង្ហោះក្នុងហ្វេសប៊ុកកាលពីថ្ងៃទី១៣ ខែកក្កដាម្សិលមិញនេះថា៖ "ដើម្បីចូលរួមចំណែកអភិរក្សពូជជ្រូករបស់ជនជាតិដើមភាគតិច ខេត្តមណ្ឌលគិរីកុំឱ្យបាត់បង់ ឯកឧត្ដមរដ្ឋមន្ត្រីក្រសួងបរិស្ថាន បានផ្ដល់ពូជជ្រូកដែលស្ទើរតែជិតផុតពូជ លើកទី១ ចំនួន ២ក្បាល ញី១ ឈ្មោល១ និងយប់មិញនេះបានផ្ដល់ឱ្យចំនួន៤ក្បាល (ឈ្មោល១ក្បាល) បន្ថែមទៀត ដើម្បីឲ្យខ្ញុំជួយបង្កាត់បន្តពូជឲ្យបានកាន់តែច្រើន"។

ជាមួយគ្នានោះ លោកឧកញ៉ាម៉ុង ឫទ្ធី បានអំពាវនាវ ឲ្យមហាជនជួយផ្ដល់ដំណឹងដល់លោក ប្រសិនបើដឹងថាកន្លែងណាមានពូជជ្រូកខ្មែរពីបុរាណ ដើម្បីក្រុមការងាររបស់លោក ចុះទៅទំនាក់ទំនងសុំចែកយកមកបន្តពូជ៕