ចាប់ខ្លួនមេក្លោងជួញដូរគ្រឿងញៀនជាជនជាតិឡាវ និងដកហូតថ្នាំញៀនជាង ១គីឡូ
- 2017-07-17 12:28:58
- ចំនួនមតិ 0 | ចំនួនចែករំលែក 0
ចាប់ខ្លួនមេក្លោងជួញដូរគ្រឿងញៀនជាជនជាតិឡាវ និងដកហូតថ្នាំញៀនជាង ១គីឡូ
ចន្លោះមិនឃើញ
ប៉េអឹមខេត្តស្ទឹងត្រែង បានចាប់ខ្លួនមេក្លោងជាជនជាតិឡាវ ឈ្មោះ ថាវខាំមួន ល:ត:ន:តៃ ភេទប្រុស អាយុ ៥០ឆ្នាំ និងដកហូតថ្នាំញៀនជាង ១គីឡូក្រាម នៅថ្ងៃទី១៧ ខែកក្កដា ឆ្នាំ២០១៧នេះ។ ជនសង្ស័យរូបនេះ មានមុខរបរ ធ្វើស្រែ ផ្ទះនៅភូមិក:ដាន់(ឃីណាក់) ស្រុកមឿខូង ខេត្តចំប៉ាសាក់ ប្រទេសឡាវ។
លោកឧត្តមសេនីយ៍ អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង បានឲ្យដឹងថា លោកបានបញ្ជាកម្លាំងជំនាញបង្ក្រាបករណីជួញដូរគ្រឿងញៀនខុសច្បាប់ ត្រង់ចំណុចផ្លូវបំបែកភូមិណាអូង ឃុំស្រែសំបូរ ស្រុកសៀមប៉ាង ខេត្តស្ទឺងត្រែង។
លោកបានបញ្ជាក់ថា វត្ថុតាងចាប់យករួមមាន ថ្នាំញៀនប្រភេទម្សៅមេតំហ្វេតាមីន ice ចំនួន ០១កញ្ចប់ធំ ទម្ងន់សរុប ១០៦៩,៤ គីឡូក្រាម។ បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តតាមនីតិវិធី៕