ថៃបន្តជាប់ពិន័យកាតលឿងរបស់សហភាពអឺរ៉ុប លើការជួលពលករនេសាទខុសច្បាប់
- 2017-07-18 02:49:49
- ចំនួនមតិ 0 | ចំនួនចែករំលែក 0
ថៃបន្តជាប់ពិន័យកាតលឿងរបស់សហភាពអឺរ៉ុប លើការជួលពលករនេសាទខុសច្បាប់
ចន្លោះមិនឃើញ
រយៈពេល ១៦ថ្ងៃ ពីថ្ងៃទី០១ ដល់ថ្ងៃទី១៦ ខែកក្កដា ២០១៧ ក្រោយប្រតិភូសហភាពអឺរ៉ុបបានចុះទៅត្រួតពិនិត្យស្ថានភាពនេសាទដែនសមុទ្រក្នុងប្រទេសថៃ សហភាពអឺរ៉ុបបានបង្ហាញការពេញចិត្តចំពោះការខិតខំរបស់រដ្ឋាភិបាលថៃ ក្នុងការលុបបំបាត់សកម្មភាពនេសាទខុសច្បាប់របស់ថៃ។ ប៉ុន្តែសហភាពអឺរ៉ុបនៅតែបន្ដពិន័យកាតលឿងលើប្រទេសថៃដដែល លើករណីជួលពលករនេសាទខុសច្បាប់។
ប្រទេសថៃបានទទួលការពិន័យកាតលឿងពីសហភាពអឺរ៉ុប កាលពីឆ្នាំ២០១៥ ដែលការពិន័យនេះ អាចឈានដល់ការដាក់បម្រាម មិនឲ្យប្រទេសថៃនាំចេញអាហារសមុទ្រទៅសហភាពអឺរ៉ុប ប្រសិនបើរដ្ឋាភិបាលថៃមិនដោះស្រាយបញ្ហានេសាទខុសច្បាប់លើដែនសមុទ្រ។
សូមបញ្ជាក់ថា ក្រោយការព្រមានរបស់សហភាពអឺរ៉ុប រដ្ឋាភិបាលយោធាថៃប្រើប្រាស់អំណាចរបស់ខ្លួន និងបានធ្វើវិសោធនកម្មច្បាប់មួយចំនួន ពាក់ព័ន្ធនឹងការនេសាទ ដើម្បីដោះស្រាយបញ្ហានេសាទខុសច្បាប់នៅដែនសមុទ្រ៕