៨យ៉ាងដែលអ្នកប្រហែលមិនដឹងពីតុក្កតាឆ្មាកណ្ដុរ

2017-07-20 09:34:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ត្រឡប់ទៅកាលពីជាង ១០ឆ្នាំមុនរឿង គំនូរជីវចល Tom and Jerry ដែលគេនិយមហៅថា តុក្កតាឆ្មាកណ្ដុរ គឺជារឿងដ៏មានប្រជាប្រិយភាពមួយក្នុងចំណោមរឿងគំនូរជីវចលទាំងឡាយ។ សម្រាប់អ្នកដែលនិយមទស្សនា Tom and Jerry តើអ្នកដឹងអ្វីខ្លះពីរឿងមួយនេះ?

ខាងក្រោមនេះគឺជាចំណុច ៨យ៉ាង ដែលអ្នកមិនប្រាកដថាបានដឹងពីរឿងគំនូរជីវចលTom and Jerry៖

១. តាមពិត Tom and Jerry ត្រូវបានបង្ហាញខ្លួនក្នុងខ្សែភាពយន្តមួយ នាឆ្នាំ១៩៨៤ តែដោយសារកើតមានបញ្ហាបន្តិចបន្តួចទើបត្រូវគេរំសាយចោលវិញ។ ប៉ុន្តែ Jerry ធ្លាប់បានបង្ហាញខ្លួនក្នុងល្ខោននិយាយមួយរួចមកហើយនៅក្នុងឆ្នាំ១៩៤៤។

២. អ្នកបង្កើតគំនូរជីវចលនេះគឺលោក William Hanna និង Joseph Barbera ដែលបានបង្កើតនូវគំនូរជីវចលល្បីៗដទៃទៀតដែរ ដូចជា Scooby-Doo, The Smurfs, The Flintstones ឬ Yogi Bear ជាដើម។

៣. Tom and Jerry គឺជាឈ្មោះមួយដែលទទួលបានពីការប្រកួតស្វែងរកឈ្មោះសម្រាប់តួអង្គទាំងពីរនេះ។ ដំបូងឡើយ Tom ត្រូវបានគេដាក់ឈ្មោះថា Jasper ចំណែកឯ Jerry វិញគឺគ្មានឈ្មោះនៅឡើយ។

៤. នៅក្នុងឆ្នាំ១៩៧៥ Tom and Jerry គឺជាមិត្តភ័ក្ដិដ៏ល្អ ដែលពួកគេធ្វើដំណើរកម្សាន្ត ដោះស្រាយបញ្ហា និងចូលរួមកម្មវិធីប្រកួតជាមួយគ្នា ប៉ុន្តែមិត្តភាពនេះមិនបានយូរអង្វែងនោះទេ។

៥. នៅក្នុងភាគមួយមានឈ្មោះថា Spike & Tyke ដែលបង្កើតនៅឆ្នាំ១៩៥៧ ហើយភាគនោះគឺ Tom ត្រូវបានឆ្កែឪពុកនិងកូននាំគ្នាធ្វើបាបយ៉ាងចាស់ដៃ។ គួរឲ្យស្ដាយដែលភាគនោះផលិតបានតែប៉ុន្មានឈុតប៉ុណ្ណោះ មុនពេលស្ទូឌីយោត្រូវបានបិទចោល។