ក្រោយ​ពី​ការ​ធ្វើ​អត្តឃាត​របស់​អ្នក​ចម្រៀង​ប្រចាំ​ក្រុម Linkin Park គឺ Chester Bennington កាលពី​ថ្ងៃ​ទី២០ ខែ​កក្កដា ឆ្នាំ​២០១៧ ការ​លក់​បទ​ចម្រៀង​ក្រុម​នេះ បាន​ហក់​ឡើង​គួរ​ឲ្យ​កត់​សម្គាល់ ក្នុង​រយៈ​ពេល​ត្រឹមតែ​មួយ​ថ្ងៃ​ប៉ុណ្ណោះ។ នេះ​បើ​យោង​តាម​របាយការណ៍​លក់ Nielsen Music។

កាលពី​ថ្ងៃ​ទី២០​កក្កដា អាល់ប៊ុម និង​បទ​ចម្រៀង​របស់​ក្រុម​នេះ បាន​លក់​អស់​ក្នុង​ចំនួន ១១១ ០០០ កូពី ដែល​ជា​ការ​ស្ទុះ​ឡើង​ខ្លាំង​បំផុត ក្នុង​អត្រា ៥៣៣២ ភាគរយ បើ​ធៀប​នឹង​ថ្ងៃ​ទី​១៩​កក្កដា ដែល​មាន​ចំនួន​ត្រឹមតែ​ជាង ២០០០ កូពី​ប៉ុណ្ណោះ។

អាល់ប៊ុម​ដែល​លក់​ដាច់​ជាងគេ​នៅ​ថ្ងៃ​ទី២០​កក្កដា នោះ​គឺ "One More Light” ដែល​លក់​បាន​លើស​ពី ៦០០០ បន្ទះ។ គេ​រំពឹង​ថា អាល់ប៊ុម​ចំនួន ៣​របស់ Linkin Park នឹង​វិល​ត្រឡប់​ចូល​ក្នុង​តារាង Billboard 200 Chart វិញ​នា​ថ្ងៃ​ទី៥ ខែ​សីហា​ខាងមុខ។ អាល់ប៊ុម​ទាំងនោះ​គឺ One More Light, Hybrid Theory និង Meteora ៕