Messi លុបរូបថតជាមួយ Neymar ក្រោយដំណឹងផ្ទេរទៅ PSG
- 2017-07-24 02:53:08
- ចំនួនមតិ 0 | ចំនួនចែករំលែក 0
Messi លុបរូបថតជាមួយ Neymar ក្រោយដំណឹងផ្ទេរទៅ PSG
ចន្លោះមិនឃើញ
កាលពីម្សិលមិញ អ្នក Follow របស់តារាបាល់ទាត់ Leonel Messi នៅលើបណ្ដាញសង្គម Instagram បានសម្គាល់ឃើញថា រូបគេបានលុបរូបថតដែលបានថតជាមួយ Neymar ក្រោយពាក្យចចាមអារ៉ាមមួយធ្លាប់បង្ហាញថា Neymar នឹងចាកចេញពីក្រុម Barcelona ដើម្បីទៅចូលរួមក្រុម PSG នៅប្រទេសបារាំង។
កាលពីប៉ុន្មានថ្ងៃកន្លងទៅ មានសេចក្ដីរាយការណ៍មួយចំនួនអះអាងថា ក្រុមមកពីលីគកំពូលបារាំងខាងលើ បានដាក់សំណើទឹកប្រាក់ចំនួន ២២២ លានអឺរ៉ូ (ជិត ២៦០លានដុល្លារអាមេរិក) ដើម្បីទិញខ្សែប្រយុទ្ធវ័យ ២៥ឆ្នាំខាងលើ។ យ៉ាងណាក៏ដោយ គេឃើញ Neymar បានចូលរួមជាមួយ Barcelona ក្នុងការប្រកួតមិត្តភាពទល់នឹង Juventus កាលពីថ្ងៃចុងសប្ដាហ៍កន្លងទៅ នៅទឹកដីសហរដ្ឋអាមេរិក។
ចំណែក ឪពុករបស់ Neymar លោក Neymar Santos Sr បានបធិសេធផ្ដល់កិច្ចសម្ភាសជាមួយសារព័ត៌មាននានា បន្ទាប់ពីលោកបានធ្វើដំណើរទៅកាន់ទឹកដីអាមេរិកដើម្បីទស្សនាការប្រកួតរបស់កូនប្រុស។ ទាក់ទងនឹងសកម្មភាពនេះ សារព័ត៌មានភាសាអេស្ប៉ាញ Sport បានអះអាងថា ឪពុករបស់ Neymar ទៅអាមេរិកដើម្បីពិភាក្សាជាមួយក្លឹបសម្រាប់ការចាកចេញរបស់កូនប្រុស៕