តួឯករឿង James Bond 007 ឈប់សម្ដែងក្នុងវគ្គថ្មី?

2017-07-24 23:23:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផលិតកម្ម Eon Productions និង MGM Studios បានចេញសេចក្ដីថ្លែងការណ៍រួមកាលពីថ្ងៃទី២៤ ខែកក្កដា ឆ្នាំ២០១៧ ថា ភាពយន្ត James Bond នឹងវិលត្រឡប់ទៅកាន់រោងភាពយន្តនានាសាជាថ្មី នៅថ្ងៃទី៨ ខែវិច្ឆិកា ឆ្នាំ២០១៩ ប៉ុន្តែចំពោះតួឯកក្នុងរឿងនេះ មិនទាន់មានការបញ្ជាក់ថាជានរណានោះទេ។ ចំណែក ចំណងជើងរឿង ក៏មិនទាន់ត្រូវបានលាតត្រដាងផងដែរ។

តារាសម្ដែង Daniel Craig

តារាសម្ដែង Daniel Craig អាយុ ៤៩ឆ្នាំ មកពីចក្រភពអង់គ្លេស បានសម្ដែងក្នុងភាពយន្ត James Bond ចំនួន ៤វគ្គរួចមកហើយ ក្នុងនោះវគ្គចុងក្រោយ មានចំណងជើងថា "Spectre” ដែលចេញកាលពីឆ្នាំ២០១៥ រកចំណូលបានជាង ៨៨០ លានដុល្លារ ទូទាំងពិភពលោក។

ទោះជាយ៉ាងណា លោក Callum McDougall ផលិតករនៃភាពយន្ត James Bond ធ្លាប់បង្ហើបកាលពីឆ្នាំទៅថា Craig នៅតែជាជម្រើសទីមួយ សម្រាប់វគ្គថ្មីដែលគ្រោងចេញនាឆ្នាំក្រោយ។ ទន្ទឹមនេះ តារាងសម្ដែងដូចជា Idris Elba, Tom Hiddleston និង Tom Hardy ត្រូវបានចាត់ទុកជាបេក្ខភាពដែលមានសក្ដានុពល ក្នុងការស្លៀកពាក់ឈុត និងជិះរថយន្តល្បឿនលឿនរបស់ James Bond ដែលមានរហស្សនាមថា ភ្នាក់ងារសម្ងាត់ 007 ៕