រថភ្លើងដឹកកុងតឺន័រ បុករថភ្លើងដឹកប្រេង នៅស្ទឹងហាវ
- 2017-07-25 01:58:15
- ចំនួនមតិ 0 | ចំនួនចែករំលែក 0
រថភ្លើងដឹកកុងតឺន័រ បុករថភ្លើងដឹកប្រេង នៅស្ទឹងហាវ
ចន្លោះមិនឃើញ
រថភ្លើងចំនួន ២ខ្សែបានបុកគ្នា នៅចំណុចភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ កាលពីម៉ោងប្រមាណជា ១២យប់ ឈានចូលថ្ងៃទី២៥ ខែកក្កដា ឆ្នាំ២០១៧ បណ្តាលឲ្យក្បាលរថភ្លើងធ្លាក់ចេញពីផ្លូវ និងបង្កការខូចខាតទ្រព្យសម្បត្តិប្រជាពលរដ្ឋមួយចំនួន។
អាជ្ញាធរមូលដ្ឋាន បានឲ្យដឹងថា រថភ្លើងពីរខ្សែ ដែលបុកគ្នានេះ មួយខ្សែដឹកទូកុងតឺន័រ ចេញពីកំពង់ផែស្វយ័តក្រុងព្រះសីហនុ និងមួយខ្សែទៀតដឹកប្រេង បានបុកគ្នានៅចំណុចភូមិ៤ ឃុំអូរត្រេះ។ ក្នុងហេតុការណ៍នេះ បណ្តាលអោយខូចខាតធុងទឹក ចំណុះ ២៥០០លីត្រ និងផ្ទះបាយប្រជាពលរដ្ឋចំនួន ២គ្រួសារ តែមិនបណ្តាលអោយគ្រោះថ្នាក់ ដល់អាយុជីវិតប្រជាពលរដ្ឋឡើយ៕