ស្រីស្អាតស៊ិន សក្កដា សរសើរ ឌុច លីដា ថាអាចសម្ដែងបានគ្រប់តួអង្គ តែខ្លួននាង...

2017-07-25 08:34:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្ដែងកំពុងឡើងកូដ កញ្ញា ស៊ិន សក្កដា បានស្ងើចសរសើរកញ្ញា ឌុច លីដា ថាមានសមត្ថភាពអាចសម្ដែងបានគ្រប់បែប រួមទាំងឈុតឆាករោលរាលផងដែរ ខណៈខ្លួននាងវិញ នៅមិនទាន់ប៉ះឈុតឆាកបែបនោះឡើយ បើទោះបីជាឆ្លងកាត់ការសម្ដែងខ្សែភាពយន្តជាច្រើនរឿងក៏ដោយ។

សក្កដា បានប្រាប់ ខ្លីៗ ថានាងចូលប្រឡូកសិល្បៈបានមួយរយៈធំមកនេះ មិនទាន់មានផលិតកម្មណាមួយទាក់ទងឲ្យសម្ដែងឈុតឆាករោលរាល សិចស៊ី ដូចកញ្ញា ឌុច លីដា នោះទេ ដោយសារតែបណ្ដាផលិតកម្មទាំងនោះគិតថា នាងមានទម្រង់មុខស្លូត សុភាព ស័ក្ដិសមនឹងតួកម្សត់ទឹកភ្នែក ច្រើនជាងប្រភេទសាច់រឿងក្ដៅសាច់។

កញ្ញា ស៊ិន សក្កដា (ឆ្វេង)

“ខ្ញុំសុំសរសើររាល់ការសម្តែងរបស់ លីដា ដោយសារគាត់មានសមត្ថភាពសម្តែងបានគ្រប់ចរិកតួអង្គ អាចនិយាយបានថា មានសមត្ថភាពសម្តែងសម្បូរបែបក្នុងវិស័យសិល្បៈភាពយន្ត។ បើនិយាយពីការសម្តែងឈុតឆាកស្រើបស្រាល សម្រាប់ខ្ញុំ អាចនិយាយបានថា មិនស័ក្ដិសមទៅនឹងចារិកលក្ខណៈខ្ញុំប៉ុន្មានទេ តែប្រសិនមានផលិតករស្នើឲ្យថត ខ្ញុំត្រូវសុំពិចារណា ដោយហេតុថា ក្រៅពីការសម្តែង ខ្ញុំគឺជាគ្រូបណ្តុះបណ្តាលស្ថាប័នរដ្ឋសាលាមធ្យមវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ ហេតុដូចនេះខ្ញុំត្រូវផ្តោតទៅលើគុណភាព កម្រិតសមត្ថភាពខ្លួន ជាងការផ្តោតទៅលើកម្រៃនៃការសម្តែង"។ ស៊ិន សក្កដា បញ្ជាក់យ៉ាងដូច្នេះ។

កន្លងមក សក្កដា បានផ្អាកពីសិល្បៈមួយរយៈ តែនាងចាប់ផ្ដើមចូលប្រឡូកវិញនៅ ឆ្នាំ២០១៤ នៅក្នុងភាពយន្តខ្នាតធំរឿង "ហ្លួងព្រះស្ដេចកន" និង រឿងមួយចំនួនទៀតជាបន្តបន្ទាប់សម្រាប់ឆ្នាំ២០១៧នេះ៕