ក្រុងប៉េកាំង ព្រមានពីការប្រមូលផ្ដុំតវ៉ាខុសច្បាប់
- 2017-07-25 09:59:39
- ចំនួនមតិ 0 | ចំនួនចែករំលែក 0
ក្រុងប៉េកាំង ព្រមានពីការប្រមូលផ្ដុំតវ៉ាខុសច្បាប់
ចន្លោះមិនឃើញ
ប៉ូលិសក្រុងប៉េកាំង បានចេញសេចក្តីព្រមានមួយចំពោះការប្រមូលផ្ដុំតវ៉ាខុសច្បាប់ទាំងឡាយ ដែលបង្កឲ្យមានការរំខានដល់សណ្ដាប់ធ្នាប់សង្គម នៅក្នុងក្រុងប៉េកាំង។ ការប្រកាសព្រមាននេះ បានធ្វើឡើងកាលពីថ្ងៃទី២៤ ខែកក្កដា ម្សិលមិញ ក្រោយប៉ូលិសក្រុងប៉េកាំងបានបង្រ្កាបការប្រមូលផ្ដុំតវ៉ាមួយនៅក្រុងប៉េកាំង កាលពីពេលថ្មីៗនេះ។
ជាងនេះទៅទៀត ប៉ូលិសក្រុងប៉េកាំងក៏បានឃាត់ខ្លួនថ្នាក់ដឹកនាំក្រុម Shanxinhui មួយចំនួនផងដែរ ដោយចោទប្រកាន់ថា ជុំវិញការទារប្រាក់ពីប្រជាជន ដើម្បីបង្កើតមូលនិធិជួយអ្នកក្រ ដែលនាំឲ្យប្រជាជននាំគ្នាចេញប្រមូលផ្ដុំតវ៉ា នៅតាមដងផ្លូវ។
ក្នុងសេចក្ដីព្រមានរបស់ប៉ូលិសចិន បានបញ្ជាក់ថា ការប្រមូលផ្ដុំតវ៉ានៅតាមដងផ្លូវ គឺខុសនឹងច្បាប់ក្នុងការរៀបចំប្រមូលផ្ដុំ ហើយអ្នកដែលប្រមូលផ្ដុំនៅតាមដងផ្លូវនៅត្រូវមានទោស។ ប៉ុន្ដែក្នុងសេចក្តីព្រមាននោះ ពុំបានបញ្ជាក់ពីចំនួនមនុស្សប្រមូលផ្ដុំ ដែលខុសនឹងច្បាប់នោះទេ៕