អត្ថប្រយោជន៍នៃការគេងស្រាត ដែលអ្នកមិនធ្លាប់ដឹង
- 2017-07-25 14:05:48
- ចំនួនមតិ 0 | ចំនួនចែករំលែក 0
អត្ថប្រយោជន៍នៃការគេងស្រាត ដែលអ្នកមិនធ្លាប់ដឹង
ចន្លោះមិនឃើញ
ការគេងស្រាត ប្រហែលជាអាក្រក់ស្ដាប់សម្រាប់មនុស្សមួយចំនួន ហើយគិតថា វាជារឿងមិនល្អតែសោះ។ យ៉ាងណាមិញ បើតាមការសិក្សា បានរកឃើញថា ការគេងដោយមិនស្លៀកពាក់អ្វីទាំងអស់ ពិតជាផ្ដល់នូវគុណសម្បត្តិជាច្រើនដល់សុខភាពមនុស្សយើងទៅវិញ។ អត្ថប្រយោជន៍ទាំងនោះ រួមមាន៖
១).ទទួលទានដំណេកបានស្កប់ស្កល់
នេះក៏ព្រោះតែស្បែករបស់អ្នកទទួលបានភាពត្រជាក់ស្រួលខ្លួន និងបញ្ចៀសអ្នកពីភាពស្អុះស្អាប់នៅពេលយប់ ដូច្នេះដំណេករបស់អ្នកនឹងកាន់តែប្រសើរអស្ចារ្យឡើង។
២).មានអារម្មណ៍ល្អ និងសេរីភាព
ការគេងស្រាត នឹងមិនធ្វើឲ្យអ្នកមានអារម្មណ៍ទើសទែងឡើយ។
៣).ធ្វើឲ្យស្បែក និងសក់លូតលាស់ល្អ
វានឹងជួយបង្កើនការផលិតសារធាតុមេឡានីន និងការលូតលាស់នៃអ័រម៉ូន។ បន្ថែមពីនេះ ការគេងស្រាតក៏អាចជួយដល់ក្រពេញរំអិល (ឬក្រពេញបញ្ចេញជាតិរំអិល) បានផងដែរ ព្រោះតែស្បែករបស់អ្នកអាចដកដង្ហើមបានល្អ និងមិនឡើងកម្ដៅនោះឡើយ។
៤).ជំរុញឲ្យជីវិតផ្លូវភេទកាន់តែប្រសើរ
សម្រាប់អ្នកមានដៃគូ ការគេងដោយខ្លួនទទេ ទំនងជាទាក់ទាញ និងបង្កើនចំណង់ផ្លូវភេទជាងគូស្នេហ៍ដទៃធម្មតា ដែលគេងមានសម្លៀកបំពាក់។
៥).ជួយបញ្ចុះទម្ងន់ និងធ្វើឲ្យសាច់ដុំលូតលាស់
ការគេងស្រាត ជួយឲ្យអ័រម៉ូនលូតលាស់ ហើយពេលអ័រម៉ូនដំណើរការល្អ នោះសាច់ដុំក៏រឹងមាំទៅតាមហ្នឹងដែរ ជាពិសេសនោះគឺដំណើរដុតបំផ្លាញជាតិខ្លាញ់តែម្ដង។
៦).មិនសូវជាមានភាពស្មុគស្មាញ
រាងកាយរបស់អ្នក នឹងទទួលបានសីតុណ្ហភាពល្អសមស្រប ដែលជាហេតុជួយដល់ការកាត់បន្ថយនូវកម្រិតអ័រម៉ូន Cortisol ឬហៅថា អ័រម៉ូនភាពតានតឹង។
៧).បង្កើនទំនាក់ទំនងល្អជាមួយដៃគូ
ចំណងស្នេហារវាងដៃគូ នឹងកើនមានជាលំដាប់នៅពេលអ្នកទាំងពីរទទួលបានអារម្មណ៍សាច់ប៉ះនឹងសាច់ ខណៈដែលអ្នកទាំងពីរកំពុងដេកស្រាត។
៨).បង្កើនទំនុកចិត្តលើខ្លួនឯង
ប្រសិនបើអ្នកជាមនុស្សហ៊ានដេកស្រាត នោះបានន័យថា អ្នកជាមនុស្សដែលមានទំនុកចិត្តលើខ្លួនឯង។
៩).ជួយដល់ចលនាឈាមរត់
ការស្លៀកខោអាវក្នុង អាចរាំងស្ទះដល់ដំណើរការឈាមរត់ ក្នុងរាងកាយមនុស្សបាន។ ដូច្នេះជម្រើសល្អដើម្បីជួយដល់ចលនាឈាម គឺការគេងស្រាតនេះឯង។
១០).មិនមានឡើយនូវជំងឺគេងមិនលក់
នេះជាការណែនាំរបស់ក្រុមវេជ្ជបណ្ឌិតទូទៅ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
