អាមេរិក សម្រេចដាក់ទណ្ឌកម្មថ្មីទៀត លើរុស្ស៊ី កូរ៉េខាងជើង និងអ៊ីរ៉ង់

2017-07-25 23:16:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដូចការបញ្ជាក់របស់សេតវិមាន កាលពីដើមនេះ សភាអាមេរិក កាលពីថ្ងៃទី២៥ ខែកក្កដា ម្សិលមិញ បានបោះឆ្នោតដោយសំឡេងគាំទ្រ ៤១៩ ទល់នឹង ៣សំឡេង សម្រេចអនុម័តលើការដាក់ទណ្ឌកម្មថ្មីទៀត ចំពោះប្រទេសរុស្ស៊ី កូរ៉េខាងជើង និងអ៊ីរ៉ង់។

ការដាក់ទណ្ឌកម្មថ្មីទៀតលើប្រទេសរុស្ស៊ី ដោយសាររុស្ស៊ីជាប់ពាក់ព័ន្ធនិងបញ្ហាការបោះឆ្នោតជ្រើសរើសប្រធានាធិបតីអាមេរិក កាលពីឆ្នាំ២០១៦ និងការចូលកាន់កាប់តំបន់គ្រីមៀ ពីសំណាក់កងទ័ពរុស្ស៊ី។

ចំណែកទណ្ឌកម្មលើប្រទេសកូរ៉េខាងជើង ដោយសារការបាញ់សាកល្បងមីស៊ីលបាលីស្ទីកអន្តរទ្វីបរបស់កូរ៉េខាងជើង និងការអភិវឌ្ឍកម្មវិធីនុយក្លេអ៊ែររបស់កូរ៉េខាងជើង។ រីឯអ៊ីរ៉ង់វិញ ដោយសារអ៊ីរ៉ង់បានគាំទ្រដល់ក្រុមភេរវកម្ម៕

ប្រភព៖ Channelnewsasia ប្រែសម្រួល៖ វាសនា