អាមេរិក៖ កូរ៉េខាងជើងកំពុងរៀបចំបាញ់សាកល្បងមីស៊ីលជាថ្មីទៀត
- 2017-07-25 23:42:06
- ចំនួនមតិ 0 | ចំនួនចែករំលែក 0
អាមេរិក៖ កូរ៉េខាងជើងកំពុងរៀបចំបាញ់សាកល្បងមីស៊ីលជាថ្មីទៀត
ចន្លោះមិនឃើញ
មន្ទីរបញ្ចកោណអាមេរិក ចាប់បានសញ្ញាថា រដ្ឋាភិបាលក្រុងព្យុងយ៉ាងកំពុងរៀបចំបាញ់សាកល្បងមីស៊ីលជាថ្មីទៀត។ នេះបើតាមការបញ្ជាក់របស់មន្រ្តីយោធាអាមេរិក កាលពីថ្ងៃទី២៥ ខែកក្កដា ម្សិលមិញ។
មន្រ្តីយោធាអាមេរិកបញ្ជាក់ថា ប្រសិនបើការបាញ់សាកល្បងនោះធ្វើឡើង វាអាចនឹងបាញ់នៅថ្ងៃទី២៧ ខែកក្កដានេះ ដែលចំថ្ងៃចុះហត្ថលេខាលើកិច្ចព្រមព្រៀងបទឈប់បាញ់ ក្នុងសង្រ្គាមកូរ៉េ។ នៅកូរ៉េខាងជើង ថ្ងៃទី២៧ ខែកក្កដា គឺជាថ្ងៃឈប់សម្រាក សម្រាប់អបអរការទទួលបានជ័យជម្នះ។
មន្រ្តីយោធារូបនោះ បញ្ជាក់ទៀតថា ការបាញ់សាកល្បងនោះ អាចជាមីស៊ីលរយៈចម្ងាយឆ្ងាយ និងមីស៊ីលបាលីស្ទីកអន្តរទ្វីប៕