កងទ័ពជើងទឹកអាមេរិក បាញ់ព្រមានទូកល្បាតអ៊ីរ៉ង់
- 2017-07-26 02:00:41
- ចំនួនមតិ 0 | ចំនួនចែករំលែក 0
កងទ័ពជើងទឹកអាមេរិក បាញ់ព្រមានទូកល្បាតអ៊ីរ៉ង់
ចន្លោះមិនឃើញ
កងទ័ពជើងទឹកអាមេរិក កាលពីថ្ងៃទី២៥ ខែកក្កដា ម្សិលមិញ បានបាញ់ព្រមានទូកល្បាតអ៊ីរ៉ង់ នៅភាគខាងជើង នៃតំបន់ឈូងសមុទ្រពែក។ នេះបើតាមការបញ្ជាក់របស់មន្រ្តីយោធាសហរដ្ឋអាមេរិក។
មន្រ្តីយោធាអាមេរិករូបនោះ បានបញ្ជាក់ទៀតថា ការបាញ់ព្រមាននេះ ដោយសារទូកល្បាតអ៊ីរ៉ង់បានបើកចូលមកកៀកនឹងនាវាអាមេរិក USS Thunderbolt ដោយមានចម្ងាយប្រមាណ ១៤០ម៉ែត្រ ពីគ្នាប៉ុណ្ណោះ។ ការបាញ់ព្រមាននេះ គឺខណៈពេលដែលក្រុមនាវាចម្បាំងអាមេរិក កំពុងធ្វើប្រតិបត្តិការនៅតំបន់ឈូងសមុទ្រពែក។
ចំណែកទូកល្បាតកងទ័ពអ៊ីរ៉ង់ ពុំបានធ្វើការឆ្លើយតបណាមួយមកនាវាអាមេរិកវិញនោះទេ ហើយបានចាកចេញពីតំបន់ប្រឈមមុខដាក់គ្នា នៅប៉ុន្មានម៉ោងក្រោយមក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
