ក្មេងចុះរកត្រីក្នុងស្ទឹង ប្រទះឃើញគ្រាប់កាំភ្លើងជិត ១ពាន់គ្រាប់
- 2017-07-28 03:23:20
- ចំនួនមតិ 0 | ចំនួនចែករំលែក 0
ក្មេងចុះរកត្រីក្នុងស្ទឹង ប្រទះឃើញគ្រាប់កាំភ្លើងជិត ១ពាន់គ្រាប់
ចន្លោះមិនឃើញ
កូនក្មេងម្នាក់ រស់នៅភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង បានប្រទះឃើញគ្រាប់កាំភ្លើងប្រភេទអាកា៤៧ ថ្មីចំនួន១កេសដែក និងរាយប៉ាយលើដី សរុបចំនួន ៩៥០គ្រាប់ បង់៩ និងទូសៀរ១ ខណៈដែលរូបគេកំពុងចុះទៅរកត្រី កាលពីថ្ងៃព្រហស្បតិ៍ ម្សិលមិញ។ នេះបើយោងតាមការចុះផ្សាយរបស់អគ្គស្នងការនគរបាលជាតិ។
លោកវរសេនីយ៍ទោ ឡុង យោធាវីរៈ អធិការនគរបាលស្រុកឯកភ្នំ បានអំពាវនាវដល់ប្រជាពលរដ្ឋដែលរស់នៅក្នុងមូលដ្ឋានទាំងអស់ ឲ្យមានការប្រុងប្រយ័ត្នខ្ពស់នូវយុទ្ធភណ្ឌមិនទាន់ផ្ទុះ ឬគ្រាប់កាំភ្លើងដូចករណីខាងលើនេះ ហើយត្រូវរាយការណ៍ជាបន្ទាន់ ជៀសវាងកើតមានគ្រោះថ្នាក់ជាយថាហេតុ៕